web counter
LEXO PA REKLAMA!

SHKARKO APP

App Store
Google Play

E fundit!

x

Kullat në Tiranë/ Berisha: Veliaj, soji dhe sorollopi i tij, milionerë

25 Shtator 2024, 20:20, Politikë CNA
Kullat në Tiranë/ Berisha: Veliaj, soji dhe sorollopi i tij,
Kreu i PD-së Sali Berisha

Kreu i PD-së Sali Berisha ka deklaruar se kullat në Tiranë kanë përpirë miliarda duke shumëfishuar pasuritë e oligarkëve.

Gjatë fjalës së tij në tubimin para banesës, Berisha theksoi se kullat në Tiranë rritën çmimet e apartamenteve dhe të vetmit që përfituan ishin Rama dhe kryebashkiakut Erion Veliaj.

“Sot i damkosuri apo më i damkosuri kreun i nakroshtetit shqiptar rrahu gjoksin se ekonomia shqiptare gjatë këtyre 11 viteve është rritur dy herë.

Ftoj çdo qyettarë shqiptar të ndalet për një moment në këtë deklaratë dhe të pyesë veten sa herë janë rritur kursimet e tij, sa herë janë rritur pasuritë e tij, pronat e tij, të ardhurat e tij gjatë këtyre 11 viteve.

Cila është e vërteta e kësaj rritje dyfish të prodhimit të brendshëm.

Mbyllni sytë për një moment dhe kur t’i hapni do iu dalin përpara përbindshat e korrupsionit dhe të drogës kullat e Tiranës.

Këto kulla kanë përpirë 4 miliardë dhe Rama i quan rritje të GDP.

Këto kanë dhjetëra fishuar në mos 100 fishuar pasuritë e oligarkëve.

Këto kulla 3.2 miliardë i kanë nga nëntoka jo nga bankat.

Pra, këto kulla, çuan në stratosferë çmimet e apartamentve . Rritje për qytetarin është kjo? Kjo është ndëshkim. Rama për vete i ka rritur me dhjetëra herë pasuritë e tij.

Erion Veliaj bashkë me soj e sorollop milionerë”, tha Berisha./ CNA





Lajmet e fundit nga