web counter
LEXO PA REKLAMA!

SHKARKO APP

App Store
Google Play

E fundit!

x

Kryediplomatja gjermane: Zgjerimi me anëtarë të rinj forcon BE-në

13 Nëntor 2023, 12:27, Politikë CNA
Kryediplomatja gjermane: Zgjerimi me anëtarë të rinj forcon
Annalena Baerbock

Annalena Baerbock, ministrja e Punëve të Jashtme të Gjermanisë, ka reaguar për anëtarësimin e vendeve të Ballkanit Perëndimor duke saktësuar se zgjerimi është një çështje gjeopolitike dhe se për garantimin e paqes në Evropë nuk duhet të ketë “zona gri” pasi çdo anëtare e re e unionit vetëm zgjeron BE-në.

“Oferta e paqes dhe sigurisë në Bashkimin Evropian është mburoja mbrojtëse më e rëndësishme tani edhe për partnerët dhe miqtë tanë në Ballkanin Perëndimor. Prandaj është kaq qendrore, që ne në këto kohëra ta kuptojmë që zgjerimi është një çështje gjeopolitike, dhe që për paqe e siguri në Evropë, nuk duhet të ketë “zona gri”. Me vjen mirë që sot ministrat e ministret e gjashtë shteteve të Ballkanit Perëndimor, sërish janë në takim me ne”, tha Baerbock.

Në një prononcim për mediat Baerbock në nisje të takimit të shefave të diplomacisë së 27 vendeve anëtare të BE-së, i cili po mbahet sot në Bruksel, u shpreh se është shumë e rëndësishme pjesëmarrja e gjashtë ministrave të Jashtëm nga perëndimi i Ballkanit, të cilët do takohen me evropianët, në një sesion pas mbledhjes së Këshillit të Ministrave.

Kryediplomatja nga Berlini, nënvizoi se BE-ja forcohet me zgjerimin që pritet të bëhet me shtete të reja anëtare./CNA

 





Lajmet e fundit nga