web counter
LEXO PA REKLAMA!

SHKARKO APP

App Store
Google Play

E fundit!

x

Komisioni anti-SPAK/ Alibeaj: Nëse ngrihet unë nuk do të marr pjesë

8 Maj 2024, 14:08, Politikë CNA

Nënkryetari i PD-së së Vulës, Enkelejd Alibeaj, u shpreh në një konferencë për mediat se propozimi i PS-së për një Komision të Posaçëm në kuadër të "Rezolutës antikorrupsion" synon që të ndërhyjë në Reformën në Drejtësi.

Me propozimin për ngritjen e një komisioni të posaçëm, Rama konfirmoi dje lajmet e CNA, të publikuara pak muaj më parë ku qeveria kërkon të ngrejë një komision anti-SPAK, pra të kontrollojë këtë strukturë të posaçme. 

‘Tashmë publiku u njoh me projektrezolutën që u hodh në mejdanin e politikës. Për të hedhur pak dritë çfarë ajo përmban, po përdor të njëjtën shprehje që përdora një muaj më parë “Djalli fshihet në detaje”. Kemi arritur të ekstraktojmë elementë të rëndësishëm në rezolutë që përbëjnë thelbin e saj. Si p.sh.: Palët garantojnë pakthyeshmërinë e Reformës së Drejtësi. Fuqizimin e paanësisë së gjyqësorit. Me fjalë të tjera, synimi i deklaruar është të ndërhyhet në Reformën në Drejtësi nëpërmjet Parlamentit. Nuk e fshehin teksa në pikën 8 thonë që për këtë synim do të ngrihet një komision i përhershëm parlamentar. I hetuari kërkon të ndryshojë rregullat e atij që heton. Do ta bëjë duke përfshirë Kuvendin”, tha Alibeaj.

Alibeaj shtoi në fjalën e tij se nëse ngrihet një komision i tillë, nuk do të marrin pjesë./CNA 





Lajmet e fundit nga