web counter
LEXO PA REKLAMA!

SHKARKO APP

App Store
Google Play

E fundit!

x

Gënjeshtra në tempull/ Rama po nxjerr nga goja lajthitje të pafundme

10 Qershor 2026, 11:05, Politikë CNA

Gënjeshtra në tempull/ Rama po nxjerr nga goja lajthitje të

Deputeti i Partisë Demokratike, Belind Këlliçi, ka reaguar ashpër ndaj kryeministrit Edi Rama pas fjalimit të mbajtur në Fier për 35-vjetorin e PS-së, duke e akuzuar atë për “gënjeshtra”.

Këlliçi e cilësoi fjalimin e Ramës si të mbushur me lajthitje dhe pretendime të ekzagjeruara, duke thënë se kryeministri paraqiti një version të shtrembëruar të realitetit përpara publikut.

Ai ironizoi disa nga deklaratat e kryeministrit për zhvillimin e vendit dhe historinë e qeverisjes, duke i quajtur “mrekulli të pretenduara” dhe “retorikë politike pa bazë”.

Këlliçi ngriti akuza për rastin e biznesmenit Francesko Becchetti, duke pretenduar se qeveria e Ramës e ka përjashtuar atë për arsye politike dhe se çështja ka sjellë kosto të larta gjyqësore për shtetin shqiptar.

Deklarata e deputetit të PD-së, Belind Këlliçi

Gënjeshtra në tempull!

Edi Rama është ose nën efektin e ndonjë substance të fortë kimike, ose në mungesë të saj prej 10 ditësh, ku përveç skenave e gjesteve të çartura, po nxjerr nga goja lajthitje të pafundme.

Nën tempullin e Apollonisë, ai mbrëmë po mbante gjasme një ligjëratë për të vërtetën, ndërkohë që konsumoi një varg gënjeshtrash, pa turp. Mashtrime të paimagjinueshme të tipit, pyjet nuk ekzistonin përpara se ai të vinte në pushtet, ai solli në tokë bimësinë.

Flamengot nuk njiheshin para se ai të vinte në pushtet, ai i solli zogjtë e shpendët mes nesh. Asnjë profet nuk ka pretenduar të ketë bërë mrekulli në përmasa të tilla, Edi Rama po.

Po historia me Beketin?!

Të gjithë e dinë dhe ka prova publike se Edi Rama e largoi për shkak të linjës editoriale që mbante me televizionin e tij, që ishte kritike me qeverinë. Madje, Beketi mori nga taksat tona më shumë se 110 milionë euro, duke përdorur në gjyq një mesazh kërcënues të Edi Ramës. Nën tempull, ai tha mbrëmë se e kishte larguar mafiozin për të shpëtuar Vjosën.

Sa më e madhe gënjeshtra, aq më të forta duartrokitjet e nëpunësve të mbledhur me urdhër. Këto janë simptoma të degradimit politik dhe njerëzor të një njeriu që sundoi me korrupsion e arrogancë për 13 vite.

Sulmoi sërish protestuesit, të rinjtë e të rejat që e kanë shfronësuar, duke e quajtur lëvizjen e tyre një mashtrim. Ndërkohë që e vërteta e madhe është pikërisht në shesh.

E vërteta është se korrupsioni, arroganca dhe lidhjet me krimin nuk pranohen më./ CNA





Lajmet e fundit nga