web counter
LEXO PA REKLAMA!

SHKARKO APP

App Store
Google Play

Ermir Beta, “kamikaz” i Veliajt kundër drejtësisë

3 Mars 2025, 13:04, Politikë CNA
Ermir Beta, “kamikaz” i Veliajt kundër drejtësisë
Erion Veliaj

Ermir Beta është avokati i studios ligjore të Arben Rakipit, një studio e shumëdenoncuar për lidhjet e drejtorit të Shkollës së Magjistraturës, Arben Rakipi, me çiftin Veliaj-Xoxa.

Studioja ligjore dhe personazhet nuk janë veç përfaqësues ligjor të Erion Veliajt, por dikur me prova rezultojnë pagamarrës të OJF-ve që drejtoheshin nga Veliaj e Ajola Xoxa, dhe të financuara nga Xhorxh Soros.

CNA ka zbuluar më parë lidhjet e Ermir Betës me Erion Veliajn, pasi Beta nuk është vetëm avokati që mbron Veliajn, por edhe një nga ekspertët e përzgjedhur nga Partia Socialiste në Komisionin Hetimor për Sterilizimin.

CNA tregoi dokumentin ku Ermir Beta çonte një e-mail ku dakordësonte takime, drafte, çështje që lidhen me Komisionin e Sterilizimit, pra përtej një Ermir Beta aksioner në “Rakipi Partners” kemi një Ermir Beta avokat të Erion Veliajt, kemi dhe një Ermir Beta ekspert në komisionin e Sterilizimit si përfaqësues i Partisë Socialiste.

Ermir Beta, skena dhe skenarët kundër Ols Dados

Ermir Beta është njeriu që mbron Veliajn, por nëntokë, me skena dhe skenarë politikë.

Përgatitja e letrave për në ILD dhe KLP të bëra nga Ermir Beta dhe futja e linjave politike për t’i intimiduar anëtarët e KLP-së apo ILD-së me veprime për të goditur prokurorin Ols Dado, më shumë sesa lëvizjet e një avokati apo një studioje ligjore janë taktika që diku po t’i gjesh dhe t’i shikosh në libra, dikush mund t’i konsiderojë dhe veprime korruptive mafioze, kur politika i vërsulet sistemit të drejtësisë për të mbrojtur një të korruptuar, të akuzuar për pastrim të produkteve të veprës penale, korrupsion dhe fshehje pasurie.

Lëvizje të tjera nën rrogoz janë parë shpesh në filmat me mafien kur politikanët dhe lidhjet e tyre tentojnë të kapin drejtësinë, të godasin prokurorët, të godasin gjyqtarët, të kryejnë veprimet në shkelje të ligjit, veprime të cilat nuk janë taktikë ligjore, por në fakt janë instrumente korruptive për të goditur njerëzit e drejtësisë për interesa të politikës./ CNA





Lajmet e fundit nga