web counter
LEXO PA REKLAMA!

SHKARKO APP

App Store
Google Play

E fundit!

x

Ende s’ka datë/ Berisha vijon të flasë për protesta

24 Shtator 2022, 12:25, Politikë CNA

Ende s’ka datë/ Berisha vijon të flasë për protesta

Ndonëse ende nuk është caktuar një datë, kryetari i Partisë Demokratike, Sali Berisha ka folur sërish për protesta.

Në një komunikim online me qytetarët në “Facebook”, Berisha tha se protestat e gjithanshme do jenë në rrugë për të rikthyer në Shqipëri, shpresën dhe votën e lirë.

“E vërteta është se polarizimi në këtë vend po rritet me shpejtësi dhe shtresa e mesme po shkon drejt asgjësimit, të varfrit po bëhen gjithnjë e më të varfër.

Edi Rama, votën nuk e pranon dhe gjithë ky zhvillim dramatik, kjo përmbysje në përbërjen e shtresave të shoqërisë sonë, ka si shkak më themelor, mospranimin e votës nga Edi Rama.

Protesta janë rruga për të cilat është përcaktuar Fronti për Shpëtimin e Shqipërisë.

Ju garantoj se do të fillojnë shumë shpejt. Mund të jenë shtyrë, por edhe shtyrja e tyre bëhet për shumë aspekte, e padurueshme.

Protestat e gjithanshme do jenë rrugë për të rikthyer në Shqipëri, shpresën, votën e lirë dhe për të dalë nga ky regjim absolutar, sot i vetmi në Europë pas atij të Putinit dhe Lukashenkos”, u shpreh ai.

Sërish ish-kryeministri nuk zbuloi një datë për protestën e paralajmëruar, ndërkohë CNA.al ka raportuar më parë se data e protestës është një nga çështjet që do të diskutohet në mbledhjen e Këshillit Kombëtar të PD-së, që do të zhvillohet të hënën./ B.A. – CNA.al





Lajmet e fundit nga