LEXO PA REKLAMA!

SHKARKO APP

Denoncimet e PL-së për inceneratorët/ Veliaj: Luftë për një plaçkë, ku u fiket llamba Monës dhe Ilirit

23 Shtator 2022, 22:29, Politikë CNA

Denoncimet e PL-së për inceneratorët/ Veliaj: Luftë për

Kryebashkiaku i Tiranës, Erion Veliaj, ka hedhur akuza ndaj LSI-së, të quajtur tashmë Partia e Lirisë, teksa ka folur për aferën e inceneratorëve.

Veliaj tha se denoncimet e LSI-së janë një luftë për një plaçkë të pretenduar, për të cilën u fiket llamba Ilir Metës dhe Monika Kryemadhit.

“Kjo skema në Elbasan dhe Fier qenka tjetër se këta paskan financimin dhe investimin, në Tiranë vetëm i marrin plehrat dhe i çojnë aty. Publiku këtë e ka perceptuar që ky është pazari i një partie. PS, në dallim nga partitë e tjera që thonë mos arresto atë që vrau në 21 janar, thotë nëse keni dyshime për disa njerëz hetoni. LSI-së kur i ikin njerëz dhe kur krijohet ideja që nuk qenka ndarë plaçka me ta, Monës dhe Ilirit u fiket llamba. Kjo është luftë e një partiçke të vogël për plaçkë të pretenduar. Tirana sot është më e pastër. Publiku kaq gjë e di”, u shpreh ai.

Veliaj i cilësoi denoncimet për inceneratorët si Pazar të PL-së, ku sulmohen njerëz që dalin jashtë qepenit.

“Ky është pazari i një partie. Këta njerëz sulmohen kur nuk janë pjesë e qepenit të tyre. Një parti pa dinjitet”, theksoi kryebashkiaku i Tiranës./ B.A. - CNA.al

Lajmet e fundit nga