web counter
LEXO PA REKLAMA!

SHKARKO APP

App Store
Google Play

Me gomone drejt Anglisë/ Rama përpiqet të justifikojë largimin e shqiptarëve

23 Shtator 2022, 21:31, Politikë CNA
Me gomone drejt Anglisë/ Rama përpiqet të justifikojë
Kryeministri Edi Rama

Kryeministri Edi Rama, gjatë një interviste për emisionin radiofonik "Pjesa tjetër është politikë” nga Alaister Campbell dhe Rory Stewart, ku ka folur për të gjitha zhvillimet e fundit, nga sulmet kibernetike e deri te largimi i shqiptarëve me gomone një fenomen ky i trajtuar nga mediat ndërkombëtare.

Për sa i përket çështjes së emigrimit të shqiptarëve me gomone, Rama është shprehur përtej faktit që kjo është një e vërtetë e hidhur, tha se, shifrat e publikuara nga disa media britanike nuk korrespondojnë.

Ndër të tjera shtoi se duhet të theksohet destinacioni nga janë nisur këta emigrantë shqiptarë.

“Me gomone, që në fakt është një histori e trishtë për hir të së vërtetës, megjithësë jo shumë e qartë sepse ka shifra që i shohim në mediat britanike që nuk korrespondojnë. 'The Guardian' botoi një shkrim shumë interesant, i cili i vinte në pikëpyetje shifrat, por përtej kësaj ne duhet të dimë nga janë njerëzit që largohen, janë shqiptarë po, por janë shqiptarë nga Shqipëria, shqiptarë nga Kosova apo troje të tjera shqipfolëse, ata vijnë nga Shqipëria apo nga Franca, Greqia apo Italia. Kishim të njëjtën situatë me Francën pak kohë më parë, me Gjermaninë gjithashtu dhe kur Gjermania e shpalli Shqipërinë vend origjine të sigurt, ata nuk pranuan më që të ndiqnin procedurat azilkërkuese, të cilat parashikojnë edhe asistencë sociale, financime dhe strehim, ata u drejtuan drejt Francës, tani po shkojnë drejt Anglisë, pra është e rëndësishme për t'u kuptuar, por pavarësisht kësaj, ne po bashkëpunojmë me autoritetet britanike, po ndërmarrin operacione kundër trafikantëve sepse pjesa më e tmerrshme e kësaj historie është lulëzimi i një biznesi shumë fitimprurës nga ana e trafikantëve", tha Rama.

I pyetur pse këto shifra janë rritur, Rama u përgjigj.

"Sepse pasi del një thashethem, disa shkojnë dhe del fjala nëpër të afërm se Britania e Madhe tani ofron mundësi sepse është krijuar një boshllëk të cilin mund ta mbushim ne."/CNA.al





Lajmet e fundit nga