web counter
LEXO PA REKLAMA!

SHKARKO APP

App Store
Google Play

E fundit!

x

Meta përdor kolegjin turk për të sulmuar Qeverinë

24 Shtator 2022, 12:05, Politikë CNA
Meta përdor kolegjin turk për të sulmuar Qeverinë
Kryetari i Partisë së Lirisë, Ilir Meta me përfaqësuesit e institucionit arsimor "Turgut Ozal"

Kryetari i Partisë së Lirisë, Ilir Meta, ka sulmuar Qeverinë, në një reagim për mbylljen e kolegjit turk në Tiranë.

Me anë të një statusi në rrjetet sociale, Meta njofton se ka zhvilluar një takim me përfaqësuesit e institucionit arsimor "Turgut Ozal".

Ish-presidenti thotë se është i shqetësuar për aktet e Qeverisë, që i cilëson si të papranueshme.

“Prita sot përfaqësuesit e institucionit arsimor 'Turgut Ozal', një investim privat holandez, që më shpjeguan në detaje veprimet antiligjore të Qeverisë shqiptare ndaj këtij institucioni arsimor, për të cilat janë njoftuar dhe rasti po ndiqet me vëmendje edhe nga institucionet ndërkombëtare.

Jam i shokuar nga këto fakte të cilat shkatërrojnë sigurinë juridike në vend. Këto akte antiligjore nuk kanë të bëjnë vetëm me një shkollë, por tregojnë rrezikun që i kanoset çdo qytetari, investitori të huaj, biznesi të ndershëm, etj.

Shpreh shqetësimin e madh për këto akte të papranueshme, nisur edhe nga fakti, që ky vendim i Qeverisë merret pasi ka filluar shkolla, duke ndikuar te fëmijët dhe familjet e tyre, si edhe te mësuesit.

Jemi një vend që duhet të funksionojë sipas ligjeve, por në këtë rast, shteti ynë ka kryer akte arbitrare brutale dhe të paligjshme, që kanë traumatizuar qindra vogëlushë dhe familjet e tyre.

I inkurajova ata të ndjekin deri në fund rrugën ligjore dhe i sigurova se do ta monitorojmë procesin nga afër.

Arsimi dhe fëmijët të mos përfshihen e të bëhen viktima të politikës!”, shkruan kreu i PL-së./ B.A. – CNA.al





Lajmet e fundit nga