web counter
LEXO PA REKLAMA!

SHKARKO APP

App Store
Google Play

“Diskursi i Ramës duket i agravuar”/ Shehi: Partitë janë bërë kundër SPAK-ut

21 Shkurt 2025, 22:15, Politikë CNA

“Diskursi i Ramës duket i agravuar”/ Shehi: Partitë

Kryetari i LZHK-së, Dashamir Shehi tha sot se partitë janë bërë kundër SPAK-ut dhe se prokurorët duhet të mbrohen.

I ftuar në një emisionin televiziv, Shehi e konsideroi të agravuar diskursin politik të kryeministrit Rama, pas arrestimit të kryebashkiakut Veliaj.

Shehi tha se të dyja partitë politike po sulmojnë SPAK-un, me gjuhë anormale, sepse nuk kanë menduar që Struktura e Posaçme do shkojë deri këtu.

Shehi shtoi se tha se SPAK po bën realitet atë që shqiptarët nuk e kishin menduar, që në burg të jenë kryebashkiakë, ish-kryeministra, ish-presidentë dhe se rezultantja e SPAK është pozitive.

“Diskursi i Ramës duket i agravuar. Erion Veliajt ia hoqi prizën SPAK-u. Edhe shkuarja e mbështetësve të Veliajt në SPAK, për mendimin tim, është skenar i njëjtë, e njëjta gjë që ka bërë edhe Sali Berisha. Partitë janë bërë kundër SPAK. Prokurorët duhet të mbrohen. Sinjali është që kujdes kur ta ngrini dorën kundër nesh. Të dyja partitë politike po sulmojnë SPAK-un, me gjuhë anormale. ama e ka sulmuar SPAK, sepse nuk ka menduar që Struktura e Posaçme do shkojë deri këtu. Kjo situatë krijon perceptimin se Rama nuk e kontrollon SPAK. Sali Berisha nuk e ka në dorë gjithashtu SPAK-un. Këtu ka një gijotinë të vogël, që herë pas here ‘pret’ nga një kokë, nga secili krah. SPAK theu mitin se drejtësinë e ka në dorë Rama. SPAK po bën realitet atë që shqiptarët nuk e kishin menduar, që në burg të jenë kryebashkiakë, ish-kryeministra, ish-presidentë. Rezultantja e SPAK është pozitive. Rama e sulmon SPAK, për t’ju thënë mbështetësve se unë jam i fortë, se shefi juaj është ende i fuqishëm”,- tha Shehi./CNA

 

 





Lajmet e fundit nga