web counter
LEXO PA REKLAMA!

SHKARKO APP

App Store
Google Play

Dialogu/ Rama: Kosova të plotësojë detyrat e saj, Serbia kurrë mos i bëftë

27 Shtator 2025, 22:45, Politikë CNA

Dialogu/ Rama: Kosova të plotësojë detyrat e saj, Serbia

Kryeministri Edi Rama në një intervistë televizive ka folur për dialogun Kosovë-Serbi.

Rama deklaroi se për të Kosova e ka fituar luftën, por duhet të fitojë paqen. Kryesocialisti u shpreh se Kosova nuk duhet të shohë fare nga Beogradi, por të bëjë detyrat e saj për t’u bërë pjesë e tryezës së BE.

Më tej Rama tha se nuk ka fare rëndësi se çfarë bën Serbia, Kosova duhet të shkojë përpara.

“Për mua, Kosova e ka fituar luftën por duhet ta fitojë paqen. Që të fitojë paqen do të thotë që të sistemohet në tryezën e bashkësisë demokratike. Kjo është e gjitha. Që ta bëjë këtë nuk duhet të shohë fare nga Beogradi, nuk duhet të mendojë fare për Serbinë, nuk duhet t’ia di fare për çfarë thonë apo çfarë pretendojnë serbët, por duhet të bëjë detyrat e veta. Duhet t’i bëjë detyrat e veta për veten dhe për të ardhmen e vet, jo për serbët. Dhe këto lidhen me dialogun por lidhen me Bashkimin Evropian dhe Shtetet e Bashkuara pastaj, që do të thotë se nëse në tryezën e dialogut janë ‘x’ pika për tu përmbushur, Kosova t’i bëjë në mënyrë unilaterale dhe të shkojë përpara. Nuk ka rëndësi fare se çka bën Serbia, kurrë mos i bëftë, s’ka asnjë problem”, u shpreh Rama./CNA





Lajmet e fundit nga