E fundit!

21:34 Aktualitet

Protestat në Tiranë/ Eksperti i sigurisë: Prapavijë e huaj që e shfrytëzon dhe shumicë radikale në rrjete

Eksperti i sigurisë, Ervin Karamuço, ngriti sot dy shqetës...

Dështimi i radhës i PD-së së vulës/ “Alibashët” katandisen të tretët apo të katërtit në garën për bashkitë

16 Maj 2023, 14:49, Politikë CNA

Foto ilustruese

Dështimet e PD-së së vulës, të Lulzim Bashës dhe Enkelejd Alibeajt, vijojnë me dështimet dhe humbjet në seri.

Ata që kanë sot vulën dhe që kandiduan në vetëm disa bashki, janë katandisur si mos më keq në zgjedhjet e 14 majit.

Alibashët janë renditur të tretët në Qarqe si: Fier, Dibër, Kuçovë, Patos, Tepelenë, Vau i Dejës dhe Finiq.

Ndërsa në Tiranë dhe Sarandë janë renditur të katërtit.

Më poshtë po pasqyrojmë rezultatet:

Në Tiranë, PD e Alibeajt renditet e 4-ta me 4.17 për qind ose 12388 vota.

PS renditet e para me 54.69 për qind të votave ose 158688 vota, koalicioni "Bashkë Fitojmë" 34.58 për qind ose 100351 vota, LB 4.77 për qind ose 13835 vota, PD e Alibeajt 4.17 për qind ose 12388 vota, Fronti i Majtë 0.97 për qind ose 2807 vota dhe PDIU 0.73 për qind ose 2104 vota.

Në Fier, PD e Alibeajt renditet e treta me 10.87 për qind ose 5532 vota.

PS renditet e para me 69.33 për qind ose 35294 vota, BF 19.80 për qind ose 10081 vota dhe e fundit PD e Alibeajt me 10.87 për qind ose 5532 vota.

Në Dibër, PD e Alibeajt renditet e treta me 5.21 për qind ose 1236 vota.

PS renditet e para me 67.69 për qind ose 16061 vota, BF 27.11 për qind ose 6432 vota, PD e Alibeajt renditet e fundit me 5.21 për qind ose 1236 vota.

Në Kuçovë, PD e Alibeajt renditet e treta me 5.33 për qind ose 739 vota.

PS renditet e para me 49.79 për qind ose 6904, BF 44.88 për qind ose 6222 vota dhe Kuçovë, PD e Alibeajt me 5.33 për qind ose 739 vota.

Në Patos, PD e Alibeajt renditet e treta me 6.53 përqind ose 766 vota.

PS renditet e para me 69.97 për qind ose 8211 vota, BF 23.50 për qind ose 2758 vota dhe PD e Alibeajt renditet e fundit me 6.53 për qind ose 766 vota.

Vijojmë në Tepelenë, renditet e treta me 346 vota, në Këlcyrë me 137 vota, në Sarandë renditet e katërta me 669 vota, në Vaun e Dejës renditet e treta me 887 vota, dhe në Finiq e treta me 1705 vota./ CNA.al