web counter
LEXO PA REKLAMA!

SHKARKO APP

App Store
Google Play

E fundit!

x

23 vota diferencë/ Denoncon kandidati i “BF” në Rrogozhinë: Beteja ligjore do të kthejë hakun te ju

16 Maj 2023, 10:24, Politikë CNA

23 vota diferencë/ Denoncon kandidati i “BF” në

Kandidati i PS-së, Edison Memolla, fitoi ndaj kandidatit të "BF"-së me 23 vota diferencë.

Së fundi në një postim në rrjetet sociale, kandidati i "BF"-së për Rrogozhinën, Shkëlqim Hoxha, ka denoncuar duke thënë se qeveria dhe pushteti hartuan lista me banorë ekstra duke tentuar të tjetërsojnë fitoren.

Ai shprehet se për këtë do të ketë një betejë ligjore, në mënyrë që vullneti i shprehur me votë i qytetarëve të Rrogozhinës të shkojë aty ku duhet.

Postimi i plotë i Shkëlqim Hoxhës

Motra e Vëllezër, banorë të Rrogozhinës, Lekajt, Kryevidhit, Gosës e Sinaballaj.

Miqtë e mi, bashkëpunëtorë e dashamirës!

Përulem me shumë mirënjohje e respekt, para çdonjerit nga Ju!

Këto muaj të rrugëtimit tonë, kuptova e ndamë së bashku: shqetësimet, problemet dhe nisëm rrugën e përbashkët të kthimit të Pushtetit te Ju, pronarët e vërtetë të Bashkisë Rrogozhinë.

Ju votuat për ndryshimin, për ta ushtruar ju pushtetin, duke përbuzur e përballur njëkohësisht makinerinë e pushtetit, që bëri gjithçka, për të deformuar vullnetin tuaj.

Banorët e Rrogozhinës na votuan, na besuan përgjegjësinë e drejtimit të Bashkisë.

Qeveria e Pushteti në menyrë të paligjshme hartojnë lista me banorë extra, që nuk e ndjejnë përgjegjësinë e votës, e kështu tentojnë të tjetërsojnë fitoren.

Miqtë e mi, ka dhjetra arsye që beteja ligjore do kthejë hakun te ju!/ CNA.al





Lajmet e fundit nga