web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Blerja e votës ishte një akt masiv dhe i shëmtuar

16 Maj 2023, 14:04, Politikë CNA
Berisha: Blerja e votës ishte një akt masiv dhe i shëmtuar
Sali Berisha

Drejtuesi i koalicionit "Bashkë Fitojmë", Sali Berisha, ka dalë në një deklaratë për mediat duke shprehur pakënqësinë e tij për procesin zgjedhor dhe duke denoncuar, sipas tij, ndërhyrjet kriminale në këtë rrugëtim zgjedhor që si pasojë ka sjellë devijimin e vullnetit të votuesve.

Ai tha se Rama pengoi me çdo mënyrë të mundshme koalicionin "Bashkë Fitojmë" të bëjë një fushatë të denjë dhe demokratike, duke i mohuar të drejta të parashikuara nga ligji dhe Kushtetuta shqiptare.

“Populli opozitar pa në dritën e diellit përpjekjen e narkoshtetit për të asgjësuar opozitën e vërtetë si pjesëmarrëse në zgjedhje. Ajo jo vetëm u konfiskoi vulën, jo vetëm e privoi nga fondet që i takonin nga ligji dhe Kushtetuta, por kaloi në aktin më absurd, mohimin e të drejtës së koalicionit për të zgjedhur kryetarin e koalicionit.

U tmerrua nga emri i Sali Berishës.

Aleancë krimi në nivel politik dhe terreni u demonstrua si kurrë ndonjëherë në historinë e vendit.

Trinomi Rama-Doshi-Brava ishte shëmtia më e madhe në veprimet e tyre në këtë proces zgjedhor.

Ashtu siç konstaton me të drejtë raporti i vëzhguesve, blerja e votës ishte një akt masiv dhe i shëmtuar.

Mungesa e komisionerëve të vendnumëruesve të opozitës së vërtetë, koalicionit, që kishte 61 kandidatë, ishte një akt tjetër pabarazie.

Dhunë terrori ndaj eksponentëve të opozitës është përdorur deri në pengmarrjen e tyre”, tha Berisha./ CNA.al





Lajmet e fundit nga