web counter
LEXO PA REKLAMA!

SHKARKO APP

App Store
Google Play

E fundit!

x

Deputetët pakt të fshehtë për rritjen e pagave?/ Ja si përgjigjet Blerina Gjylameti

23 Maj 2023, 20:47, Politikë CNA

Deputetët pakt të fshehtë për rritjen e pagave?/ Ja si

Deputetët e PS-së dhe PD-së bashkuan sot votat në Komisionin e Ekonomisë dhe rritën pagat e tyre e të ministrave.

Duke qenë se deputetët shkuan kundër vendimit të qeverisë që shtyu rritjen e pagave për ta dhe e rrëzuan atë, deputetja dhe nënkryetarja e Komisionit, Blerina Gjylameti u pyet nëse pati një marrëveshje të fshehtë mes deputetëve.

Gjylmeti mohoi të ketë pasur një marrëveshje të fshehtë, ndërsa deklaroi se duhet të ndryshojë perceptimi që ka publiku për politikën.

“Patëm një propozim nga kolegët në Komisionin e Ekonomisë, kemi pasur propozime dhe nga Komisioni Ligjor dhe sot vendosëm mos të kishim shmangie duke i pasur të gjithë funksionarët publikë nën çatinë e hierarkisë së pagave. Nëse qeveria kishte propozim për shtyrje të afateve kohore për të arritur të mbyllej gjithë reforma dhe të kishte një moment tjetër pjesa e rishikimit të pagave për deputetët, sot u vendos ndryshe. Nuk ka të bëjë me marrëveshje të fshehtë dhe asgjë, duhet të ndryshojë perceptimi që ka publiku për politikën. Unë nuk dua të them që në politikë hyn gjithkush për interes publik, por ndërkohë ka plot kolegë që janë të nderuar dhe kontribuojnë për interesat publikë.”/ CNA.al





Lajmet e fundit nga