web counter
LEXO PA REKLAMA!

SHKARKO APP

App Store
Google Play

E fundit!

x

Deklaratat e Ramës për Ballukun/ Arben Ahmetaj: Prezumim i pafajësisë me standarde të dyfishta

11 Mars 2026, 09:39, Politikë CNA

Deklaratat e Ramës për Ballukun/ Arben Ahmetaj: Prezumim i

Ish-zëvendëskryeministri Arben Ahmetaj ka reaguar sot lidhur me qëndrimet publike të kryeministrit Edi Rama për çështjen e Belinda Ballukut.

Përmes një postimi në rrjetet sociale, Ahmetaj shprehet se një deklarate e tillë publike dhe për një çështje që i takon drejtësisë, përbën pikërisht shkeljen e hapur të parimit themelor të prezumimit të pafajësisë.

Sipas Ahmetajt, kryeministri ndan qasje me dy standarde të ndryshme kur bëhet fjalë për prezumimin e pafajësisë.

 “Paraditen e së hënës në mbledhjen e Grupit Parlamentar të Partisë Socialiste, Kryeministri, në përpjekje për të justifikuar qëndrimet e tij, gjeti kohë të flasë edhe për rastin tim, duke pretenduar se aty paskësh '1001 të zeza'. Kjo deklaratë bëhet në një kohë kur çështja ende nuk ka filluar të gjykohet dhe hetimet sapo janë mbyllur.

Një deklarate e tillë publike dhe për një çështje që i takon drejtësisë, përbën pikërisht shkeljen e hapur të parimit themelor të prezumimit të pafajësisë.

Është paradoksale të dëgjosh leksione për prezumimin e pafajësisë nga i njëjti Kryeministër, i cili nuk heziton ta shkelë atë publikisht sa herë që i intereson politikisht, duke e përdorur atë me standard të dyfishtë edhe brenda të njëjtit fjalim.

Prezumimi i pafajësisë është një e drejtë themelore e garantuar nga Kushtetuta e Republikës së Shqipërisë, nga kartat ndërkombëtare për të drejtat e njeriut dhe nga legjislacioni në fuqi.

E drejta e lirisë së shprehjes për këdo, përfshirë këtu edhe Kryeministrin, nuk mund të përdoret për të cenuar prezumimin e pafajësisë dhe as për të ushtruar presion apo ndikim mbi vendimmarrjen e organeve të drejtësisë”,-shkruan Ahmetaj./CNA

Deklaratat e Ramës për Ballukun/ Arben Ahmetaj: Prezumim i





Lajmet e fundit nga