web counter
LEXO PA REKLAMA!

SHKARKO APP

App Store
Google Play

E fundit!

x

“Nuk jam avokat i Ballukut”/ Rama: Opozitarët duan ta shohin në burg, prezumohet pafajësia

9 Mars 2026, 11:48, Politikë CNA

“Nuk jam avokat i Ballukut”/ Rama: Opozitarët duan ta shohin

Kryeministri Edi Rama tha sot se teksa qëndrimet e tij janë kundër kërkesës së SPAK-ut për heqjen e imunitetit ndaj ish-zëvendëskryeministres Belinda Balluku, nuk e mbron këtë të fundit, por vetëm kërkon prezumimin e pafajësisë.

Në fjalën e tij në mbledhjen e Grupit Parlamentar të PS-së, Rama u shpreh se opozita e ka dënuar Ballukun pa gjyq, ndërsa përmendi edhe trajtimin mediatik që i është bërë çështjes.

“Me molotovë në duar e gojë, mund të jenë e të mos jenë simpatizantët tani. E kanë dënuar pa gjyq, pa i lënë as të drejtën të mbrohet, duan ta shohin në burg. U them që ti bëjnë vetes një pyetje, se ku ndryshojmë ne? Nuk është një pyetje që e bëjnë sot për të mbrojtur Ballukun. Nuk jam avokat i askujt. Kjo është një pyetje që e bëj sot sepse jam kryeministri i këtij vendi. Jam përballë një sfide të marrë përsipër nga Partia Socialiste. Kjo e vërtetë e madhe quhet ‘prezumim i pafajësisë’ mes drejtësisë dhe diktaturës e arbitraritetit. Sfida jonë është edhe mbrojtja e drejtësisë nga ne. Por janë përdorur tenxheret mediatike. Nuk është rasti i parë. Gjyqi mediatik ishte një tjetër masakër gurësh, me libër shtëpie e deri për Mesjetën, jo më për një shoqëri europiane”,-tha Rama./CNA





Lajmet e fundit nga