web counter
LEXO PA REKLAMA!

SHKARKO APP

App Store
Google Play

E fundit!

x

Deklarata e Bamir Topit/ Njoh njerëz që kanë bashkëpunuar me ish-Sigurimin, por nuk flas dot

21 Tetor 2022, 20:53, Politikë CNA
Deklarata e Bamir Topit/ Njoh njerëz që kanë bashkëpunuar me
Ish-presidenti Bamir Topi

Ish-presidenti Bamir Topi, ka treguar se njeh disa persona, të cilët kanë qenë bashkëpunëtorë të ish-Sigurimit të Shtetit.

Ai tha se këta janë edhe persona publikë, por edhe persona me të cilët ka të bëjë në jetën private.

Topi deklaroi se në Euronews Albania për shkak të postit që ka mbajtur, nuk mund të flasë me emra konkretë.

“Asgjë e re, është një fabul që e dëgjojmë prej 32 vitesh. Është një detyrim që politika duhet ta kishte realizuar prej vitesh. Tashmë, duket sikur ky ligj po miratohet në mënyrë specifike për një  njeri. Nuk është më një probem prioritar i kohës. E kam kërkuar me ngulm që dosjet duhet të hapen. Natyrisht, dosjet nëse do të kërkohen të hapen, do ta tregojnë.

Personi që shikoni këtu ka informacion të plotë, sepse kam qenë në një pozicion ku mu dha mundësia të kisha akses, di shumë gjëra, nuk flas dot sepse respektoj pozicionin që kam pasur. Unë di shumë mirë, njerëz që kam përballë, njerëz publikë, njerëz që më kanë rrethuar në jetën private, është një shoqëri shumë e çuditshme. Ka njerëz që kanë bashkëpunuar me Sigurimin e Shtetit, kjo është një shoqëri tepër e çuditshme. Politika e ka mbajtur qëllimisht historinë e dosjeve në ajër, për shantazh”, theksoi ish-presidenti./ B.A. – CNA.al





Lajmet e fundit nga