web counter
LEXO PA REKLAMA!

SHKARKO APP

App Store
Google Play

E fundit!

x

Mori në mbrojtje inceneratorin e Elbasanit/ Luçiano Boçi paralajmëron Ramën

21 Tetor 2022, 19:05, Politikë CNA
Mori në mbrojtje inceneratorin e Elbasanit/ Luçiano Boçi
Nënkryetari i Partisë Demokratike dhe deputeti i qarkut të Elbasanit, Luçiano Boçi

Gjatë takimit që mbajti sot me qytetarët e Elbsanit, kryeministri Edi Rama mburri inceneratorin e Elbasanit, ndërsa tha se nuk ndihet të ketë bërë një punë të keqe.

Për këtë deklaratë ka reaguar pak minuta më parë nënkryetari i Partisë Demokratike dhe deputeti i qarkut të Elbasanit, Luçiano Boçi.

Me anë të një statusi nnë rrjetet sociale, Boçi cilëson inceneratorët si krimin më të madh të Ramës.

Nënkryetari i PD-së deklaron se inceneratori i Elbasanit vijon të jetë në remont fiktiv dhe në sekuestro nga SPAK si vend krimi.

Ai paralajmëron kreun e qeverisë se inceneratori do ta përpijë së bashku me korrupsionin qeveritar.

“Fjalët nuk e mbulojnë dot malin e plehrave për turpin tënd.

Nuk pse çuditesh fare kur të them se sot erdhe në vendin e krimit.

Inceneratorët janë krimi yt më i madh! Inceneratorët janë vjedhja më e paskrupullt që një kryeministër i ka bërë vendit të tij!

Dhe ndërsa t’i krenohesh me krimin tënd dhe të ministrave të tu, inceneratori për të cilin i more qytetarëve shqiptarë 24 milionë euro vijon të jetë në remont fiktiv dhe në sekuestro nga SPAK si vend krimi.

Ta kam thënë edhe më parë, inceneratori edhe pse nuk ia doli të djegë asnjë ditë mbetje, do të të përpijë ty dhe korrupsionit tënd qeveritar”, shkruan Boçi./ B.A. – CNA.al





Lajmet e fundit nga