web counter
LEXO PA REKLAMA!

SHKARKO APP

App Store
Google Play

E fundit!

x

Dakordësia PD-PS për komisionin e "Zgjedhores"/ Balla-Shehajt: E ke parlamentin shkollë nate

27 Tetor 2025, 10:29, Politikë CNA

Dakordësia PD-PS për komisionin e "Zgjedhores"/

Kreu i Grupit Parlamentar të PS-së, Taulant Balla, mori fjalën në foltoren e Kuvendit pas miratimit të ngritjes së Komisioneve të Posaçme për Reformën Zgjedhore dhe atë Territoriale. Balla tha se për herë të parë në komisionin për Reformën Zgjedhore janë përfshirë të gjitha partitë.

"Falënderoj kolegët nga mazhoranca dhe opozita për miratimin e këtij projektvendimi. Për herë të parë në komisionet për Reformën Zgjedhore janë përfshirë të gjitha partitë", u shpreh ai.

Balla iu përgjigj deklaratës së Shehajt, për të cilin tha se ditën dakordësohet me PD-në për kandidatët për bashkinë, ndërsa në Kuvend vjen dhe i shan.

"Ata që e kanë parlamentin shkollë nate nuk e kuptojnë këtë. Ti nuk di të lexosh. Ti që bën interesantin, ditën takohesh me këta për kandidatë dhe pastaj vjen këtu e i shan. Ne nuk bëjmë pazar me askënd. E rëndësishme për ne është ngritja e komisionit dhe që brenda 31 dhjetorit të kemi gati ligjin për financimin e partive politike. E dyta e rëndësishme është të shkojmë para me depolitizimin e komisioneve. Ai i Lëvizjes Bashkë dhe deputetja e Shqipëria Bëhet kanë të drejtë se nuk janë përfshirë, por jo ky. Je i mirëpritur në mbledhjet e Komisionit dhe do kesh të gjitha të drejtat si anëtarët e tjerë. Sot jemi para një situate që ka konsensus 99%", tha Balla. /CNA





Lajmet e fundit nga