web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Shqipëria digjej, Rama i caktoi vetes pensionin 4 milionë lekë në muaj

19 Gusht 2025, 13:36, Politikë CNA

Berisha: Shqipëria digjej, Rama i caktoi vetes pensionin 4 milionë

Kreu i PD-së Sali Berisha ka deklaruar se kryeministri Edi Rama i ka caktuar vetes pensionin më të lartë të të gjitha kohërave në historinë e këtij vendi.

Lideri i opozitës tha se kur Shqipëria po digjej ai i ka përcaktuar vetes pension 4 milionë lekë.

Berisha u shpreh se Rama i ka caktuar vetes pensionin 30 e sa herë më të madh se mesataren e pensionit në vendin e tij.

“Por, lajmi i verës, përveç këtij mashtrimi të shëmtuar publik, është fakti se Edi Rama caktoi vetes pensionin më të lartë të të gjitha kohërave në historinë e këtij vendi.

Në një kohë kur vendi digjej flakë në të katër anët, ai kujtohej sipas medieve, të përcaktojë për kryeministrin pensionin prej 4 milionë lekë.

Pra, 4 milionë lekë, do të thotë 48 milionë lekë në vit pension Edi Rama për vete.

E garantoj se kurrë nuk do e gëzojë sepse pensioni mesatar vjetor sipas INSTAT-it në Shqipëri është gjithsej 1.6 milionë lekë.

Edi Rama caktoi për veten e tij një pension 30 e sa herë më të madh se mesataren e pensionit në vendin e tij.

Nuk ka, përveç diktatorëve të rrallë sot, që mund të ndërmarrin një veprim të tillë.

Madje edhe presidentit ia caktoi më të ulët atij. 3.5 milionë lekë.

Ky ishte preokupimi veror i narkodiktatorit. Pensioni i tij”, deklaroi Berisha./ CNA





Lajmet e fundit nga