web counter
LEXO PA REKLAMA!

SHKARKO APP

App Store
Google Play

E fundit!

x

Boçi merr në mbrojtje Salianjin, sulm ndaj drejtësisë

26 Shtator 2024, 15:15, Politikë CNA
Boçi merr në mbrojtje Salianjin, sulm ndaj drejtësisë
Nënkryetari i PD-së Luçiano Boçi

Pasi Gjykata e Apelit vendosi dënim me burg për Ervin Salianji për çështjen Babalja ka reaguar nënkryetari i PD-së Luçiano Boçi, i cili e ka marrë në mbrojtje dhe ka sulmuar drejtësinë.

"Edi Rama, Geron dhe Fatzi Xhafa dënuan sot deputetin Ervin Saljani! 

Sot në luftën e shpallur ndaj opozitës, Edvin Kristaq Rama dënoi me burgim politik deputetin e opozitës Ervin Salianji për betejën e tij guximtare kundër Edi Ramës dhe narko-shtetit të tij.

Sot Ervin Salianji u dënua nga Edi Rama, Geron dhe Fatzi Xhafa në një akt hakmarrje të verbër politike për faktin e vetëm se deputeti Salianji vërtetoi lidhjen dhe veprimtarinë kriminale të narko-trafikantit ndërkombëtar vëllait të Fatmir Xhafës, ministër trafikant, dhe Edi Ramës kreu i narko-shtetit shqiptar. Dënimi i sotëm i Ervin Salianjit dëshmon se në këtë vend droga dhe krimi i lidhur me qeverinë janë vendim-marrësit kryesorë në narko-shtetin shqiptar.

Partia Demokratike dënon me forcën më të madhe këtë akt politik të shëmtuar të Edi Ramës dhe narko-shtetit të tij kundër Partisë Demokratike, opozitës dhe pluralizmit politik në Shqipëri si dëshmi e terrorit të egër ndaj opozitës për Partinë Demokratike, për çdo demokrate dhe demokrat, për çdo opozitare dhe opozitar, ky akt është një kushtrim, është një SOS të ngrihemi në mosbindje civile: “O sot, o kurrë” kundër Edi Ramës dhe narko-diktaturës së tij", ka thënë Boçi./ CNA





Lajmet e fundit nga