web counter
LEXO PA REKLAMA!

SHKARKO APP

App Store
Google Play

Arrestimi i Metës/ Paralajmëron Xhixho: Do ndëshkojmë terroristët, na rrëmbyen presidentin

22 Tetor 2024, 17:27, Politikë CNA
Arrestimi i Metës/ Paralajmëron Xhixho: Do ndëshkojmë
Zv.presidentja e Partisë së Lirisë, Erisa Xhixho

Zv.presidentja e Partisë së Lirisë, Erisa Xhixho, ka reaguar për arrestimin e kreut të PL-së, Ilir Meta.

Xhixho ngre akuza në rrjetet sociale ndaj efektivëve që vunë në pranga Metën, duke i cilësuar ata si terroristë.

Arrestimin e Metës, ajo e cilëson si rrëmbim, ndërsa paralajmëron se efektivët do të ndëshkohen.

Gjithashtu, zv.presidentja e PL-së sulmon edhe ministrin e Brendshëm, Ervin Hoxha, për të cilin deklaron mbron banditët.

“Terroristët e Edi Ramës, që rrëmbyen dje ish-presidentin e republikës në mes të ditës, njësoj si bandat kriminale me të cilat bashkëpunon ngushtë qeveria, kanë të gjithë emër dhe fytyrë.

Dhuna e ushtruar dje, të cilën e panë të gjithë shqiptarët, nuk do të amnistohet.

Anëtarëve të kësaj skuadre terroriste, që të fshehur pas maskave ekzekutuan urdhrat e kryeministrit dhe pseudodrejtësisë së vënë në shërbim të tij, do t’u jepet ndëshkimi i duhur!

Ky akt terrorist ndaj një individi që ka ushtruar funksionet më të larta publike në Shqipëri prej 30 vitesh, duke mos iu shmangur në asnjë moment përgjegjësive dhe drejtësisë, tregoi edhe njëherë se kemi shtet policor dhe jo ligjor.

Reagimi i ministrit të Brendshëm, i cili mbron këta banditë me uniformë e maska në fytyrë që guxojnë të godasin Presidentin e Partisë së Lirisë është i turpshëm dhe kjo ngjarje e rëndë turpëron Shqipërinë”, shkruan Erisa Xhixho./ CNA





Lajmet e fundit nga