LEXO PA REKLAMA!

SHKARKO APP

Shqiptari punon kot!

2 Gusht 2022, 11:06, Opinione Artan Fuga

Shqiptari punon kot!

Një nga arsyet kryesore se përse Shqipëria është një vend shumë i prapambetur dhe me një ekonomi me performancë shumë të dobët, nga e cila vuajmë ne shqiptarët, pra edhe arsyeja kryesore se përse nuk i mban fëmijët e saj që largohen si zogj korbi nëpër botë është se pjesa më madhe e fuqisë punëtore është e angazhuar në sektorë pa rendiment ose që nuk prodhojnë asgjë, ose që janë sektorë parazitarë, ose paguhen në administratë për punën që nuk e bëjnë.

Imagjino, dhjetëra e dhjetëra mijë dyqane gjoja ekonomi familjare, ku ka tridhjetë shitës privatë që shesin të njëjtin kastravec në një rrugicë.

Imagjino, dhjetëra e dhjetëra mijë bujq që i quajnë fermerë, hahahahaha, që ruajnë ndonjë lopë me gjinj të tharë, ose mbjellin presh, sa për bukën e tyre, duke mosshfrytëzuar Tokën.

Mëmë, me bark pjellor.

Imagjino dhjetëra mijëra punonjës shërbimesh në administratë, të punësuar për të mos bërë asgjë.

Shqiptari në treçerekun e njerëzve që punojnë, punon kot, pa rendiment.

Ky është kurthi! Se po të hiqen nga puna? vdesin për bukë. Po të mbahen në punë vdesin Shqipërinë. Kjo kërkon zgjidhje me reforma strukturore që gradualisht ta kalojë forcën e punës ne sektorë performantë, jo të mbrojë gjoja elektoralisht statuskuonë ku shqiptarët i detyrojnë të vrasin miza gjithë ditën!

Po nuk u kuptua kjo korrupsioni, klientelizmi elektoral, emigracioni, dembelizmi, injoranca do të vazhdojnë të bëjnë kërdinë!

Si koncert në vitin '36!

Merruni ju merruni me e lagu se lagu, me komunizma, me luftë kundër nàostalgjive, me spiunë e me dosje, Shqipëria ka lakun në fyt dhe po e mbysin dembelët e detyruar.

Nëse qeveria, SPAK-u, Kontrolli i Lartë i Shtetit, Kuvendi i Shqipërisë, aman, aman, do t'i analizojë të dhënat do të shohin se gjendja është e lemerishme.

Vjedhjet dhe grabitjet përpara harxhimit kot të fuqive të kombit, tharjes së tyre sepse çdo organ që nuk punon thahet, janë asgjë, një pickim i vogël!

Po kush të dëgjon se, kush të lexon se!/CNA.al

10:58 Opinione Edi Paloka

Nga arrogant në legen!

Nuk ka asnjë vlerë të bësh qoftë edhe vëzhgime të pjesshme...

22:33 Opinione Lutfi Dervishi

Kiko, pushime në Jug!

Përshtypja e parë ende pa mbërritur në destinacion ish...

14:45 Opinione Edison Ypi

Komshiu

Nuk kishte mënyrë për t'i shpëtuar vigjilencës së komshiut...

Lajmet e fundit nga