LEXO PA REKLAMA!

SHKARKO APP

App Store
Google Play

E fundit!

x

Robert Papa, për protestën e 6 dhjetorit: Është maratonë, nuk është sprint!

4 Dhjetor 2022, 14:27, Opinione CNA

Robert Papa, për protestën e 6 dhjetorit: Është

Kudo protestohet, edhe pse “elitat”, gjithkund, i përçajnë. Francezët u perleshën, gjakosën, dogjën dhe shkatërruan vetëm për një ngritje çmimi benzine. Kinezët, përplasen me shtetin monist komunist dhe para kamerave kërkojne dorëheqjen e Shi Xhi Pinit. Janë arrestuar me mijëra. Hijet e Tienanmenit rrinë si shpata e Demokleut.


Biden hesht. Perëndimi hesht, ashtu si heshtën dikur kur u ngritën antikomunistët në Budapestin e gjaktë të vitit 1956.


Pse nuk u dashka të protestojnë shqiptarët? Pse duhet ta kenë këtë luks sundimi pa asnjë kundërshti, ish-komunistët e quajtur sot socialistë?
Bota eshte meskine. Po heshtin ndaj protestës se kinezëve por ama Biden ka folur pro protestave te iranianëve. Interesat politike janë sfiduese. Ndaj mos prisni që koreano-jugorja Kim, ta mbështesë protestën.

Ajo do heshtë! E dimë.
Është fakt që për momentin Departamenti Amerikan është në dashuri me ish-komunistët shqiptarë. Nuk e ndërrojme dot opinionin e tyre, as për një javë apo as për një muaj. Duhen, mbase vite, mbase dekada lodhjeje dhe lidhje me konservatorët amerikanë. Merr kohë, madje, fatkeqësisht, shumë gjatë.


Ultra liberalët amerikanë, kanë kohë që dashurohen mbas politikave të majta. Nuk është faji ynë. Janë probleme madhore qe ka ky komb i madh.

Shorosh kërkon të latojë mendimin publik dhe të diktojë në formulimin e politikës së jashtme Në fakt plakun e gjorë dhe po aq të pështirë, nuk e pyet kush por ai hedh miliona dollarë në Think Tank-et e NGO-ve të elitave ultra-liberale që vegjetojnë mes flamujve të LGBT-ve dhe llumnajës së Uokizmit. Ndricon, mes muzgut të errësirës anti-konservatore, Këshilli i Atlantitkut, NGO-ja ku, ultas në cdo tryezë një kampion LGBT-je, Aleks Shorosh, tregon bujshëm se si vrulltas derdh miliona dollarë sponsorizues.

Nuk qe rastësi qe sponsorizojnë Eksobarin të japë platformën e së majtës amerikane për Ballkanin Perëndimor. O zotëri më mbiemër krenari ngacumuesm, ne jemi Europa Juglindore e jo mbrapashtesë Ballkani.

Burokratët e Departamentit janë utra liberalë. Trump detyroi mbi 450 vetë nga elita e mocme të jepnin dorëheqjen por kultura e Departamentit nuk ndryshon.
E mbani mend Palmerin me syzet e shëmtuara? Merr një rrogë të majme diku në Europë si zv/ambasador, por shumicën e kohës e kalon duke shkruajtur novela dhe duke lundruar në rrefenjat serbe, për të mbajtur gjallë serbishten, gjuhën e nënës së gruas së tij. Eshtë fashitur. Ashtu do ikë edhe Escobar.

Burokratë të pavotuar që pëlqejnë luksin e stilit të jetesës në Uashington,
duke mos i shërbyer atyre që paguajnë taksat për luksin e tyre dhe duke konsideruar veten elitarë të “shtetit brenda shetit”. Ata drejtojnë, ata sundojnë, ata janë Zoti. Dhe nuk i ka votuar askush. Të përjetshëm te vendi i punës, të përjetshëm në qendrime, sikur flasin nga Olimpi... Fakt. Ndaj askush nuk duhet të dekurajohet nëse koreano-koreania Kim, do të thërrasë për mosdalje në protesta sepse ka rrezik jete.

Çudi! Më 1997, Lino britte që të vinin sa më shumë të protestonin në Tiranë. Edhe Lino, fashitur kah harresa. Dikur jam parakaluar në një aeroport të Europës dhe nuk do e njihja kurrë nëse nuk do më kishte folur. Ajo, e forta, e ashpra e 97-ës, një kalimtare e zakontë pa fuqi dhe forcë si dikur. Unë njësoj. Kokëlartë, si shumica jonë, për mos gabimin historik të 97-ës.

Ne kemi mbijetuar. Na harroi perëndimi pas perdes së Stalinit. Po të donin na kishin shpëtuar.Perëndimi më lehtas mund të na kishte shpëtuar ne nga cizmja e kuqe se sa kur shpëtoi Greqinë.Na lanë.Por ne nuk ndalëm endrrën e ikjes prej stepave ruse apo prej orizoreve të Maos.

Nacionalistët shqiptarë u braktisën por nuk u zhdukën. Mirënjohës ndaj Amerikës sepse prej tyre ekzistojmë si komb, por të zhgënjyer nga ky tolerim skajor ndaj ish-krimit të komunistëve, akoma i pandëshkuar.
E kuptuam vonë se është maratonë, nuk është sprint. E dimë tashmë, ndaj askush nuk e ndalon ëndrrën.

Fakt.
Krimi komunist si krimet e nazizmit. Ndaj duhet protestuar.Thjesht, gjithkush të thotë: Unë ekzistoj! Po po, sepse unë mendoj! Nuk ma ndalon këtë të drejtë sublime as surrat botoksi Escobar apo salltanetdashësja Kim. Jo! Endërrimtarë për të qenë pro-amerikanë, por ama pro ideve të mëdha amerikane e jo të llumnajës të Uokizmit kafshues ndaj kombit të madh amerikan./CNA.al

Lajmet e fundit nga