web counter
LEXO PA REKLAMA!

SHKARKO APP

App Store
Google Play

E fundit!

x

Nga Habjon Hasani/ Primaret dhe anti Sorosianët

3 Dhjetor 2022, 21:12, Opinione Habjon Hasani
Nga Habjon Hasani/ Primaret dhe anti Sorosianët
Foto ilustruese

Vendimi më i gabuar editorial do të ishte lufta e shtrigave brenda opozitës. Në Hashtag kam lënë porosi të veçantë pasqyrimin e aktivitetit të Ilir Alimehmetit, ndërsa një porosi dhe më e veçantë akoma ka qenë shmangia e çdo fushate negative ndaj cilitdo kandidat tjetër.

Jam dashamirës ndaj rrymës të vetëquajtur "konservatore" dhe "anti-soros" por nuk ndaj të njëjtat principe dhe botëkuptim sa i takon mënyrës se si duhet bërë oponenca ndaj tij.

Së pari njëherë jam diametralisht kundër ndaj çdo qëndrimi kategorik përjashtues ose asgjësues ndaj Sorosit pasi ky do ishte qëndrim përjashtues dhe asgjësues ndaj interesave të SHBA-ve në këtë cep të globit.

Ata që kërkojnë asgjësimin e Sorosit si armik i panegociueshëm kanë dy rrugë, ose të shndërrohen në organizatë të tipit "17 Nëntori" në Greqi, model i imponimit nëpërmjet dhunës, ose pastaj do bëjnë vetëm gam gam dhe do na çajnë bythën kot neve tjerëve.

Sepse Shqipëria është tokë amerikane; është protektorat i pastër amerikan dhe për sa kohë është e tillë; politika kategorike ndaj Soros është e barabartë me politikën asgjësuese ndaj Protektorit.

Sa më sipër, une jam për një rrugë të tretë; së pari grupet anti-Soros duhet të bëjnë paqe me veten dhe neuronet e tyre dhe të kuptojnë se një fuqi madhore mund të kufizohet dhe jo të asgjësohet.

Kufizimi kërkon strategji afatgjate dhe pakte lëshimi me palët e tjera të cilave u imponohesh më së pari me votë dhe më së dyti me kauza publike.

E admiroj kombin hebre pasi arriti qëllimin dhe vokacionin e vet për ndërtimin e shtetit; duke ndjekur një strategji afatgjatë shekullore, shtimin e ndikimit në kancelaritë kryesore botërore dhe botën e financës.

Mirëpo financa ishte mjeti, vokacioni ishte baza themelore.

Hebrejtë janë diçka tjetër, tepër të organizuar. Mirëpo askush nuk të pengon të marrësh shembull për të aplikuar strategjitë e duhura në nivel mikro.

Ndaj dhe gjykoj që në çdo skenar të primareve; grupet e vetëshpallura konservatore; duhet të mendojnë se si të negociojnë pozitat e tyre dhe fuqizimin e tyre para se të shfryjnë ndaj kujtdo që me të drejtë ka zgjedhur të mos shpallë armik Sorosin dhe të bëjë kalkulime me këmbë në tokë.

Në të kundërt; asgjë s'do fitoni; do bëni gam gam dhe ca kohë dhe gjithë principet që predikoni (me të cilat jam dakord) do shuhen të papërfaqësuara.

Fryjini kompromisit, jo mllefit./ CNA.al





Lajmet e fundit nga