E fundit!

09:08 Aktualitet

Krimi që ka ndodhur me protestën

Qytetarët kanë të drejtë të protestojnë, rinia, familja. K...

Pse Fortlumturinë e tij Anastas, shqiptarët e ndjejnë si Birin e tyre dhe i dhanë titullin e lartë të Kryepeshkopit?

29 Janar 2025, 18:36, Opinione Kastriot FRASHËRI

Nga Kastriot FRASHËRI

Kryepeshkopi Anastas kryesoi kishën tonë ortodokse në një epokë ringjalljeje që zgjati mbi tre dekada dhe u përmbyll me të.

Unë për shumë vjet në vitet e para të drejtimit të KOASH, duke kryesuar Shoqatën Kombëtare Atdhetare Kulturore "Fan S. Noli" dhe Institutin e Çështjeve Kombëtare kam qenë një kritik duke kundërshtuar, përsa i përket drejtimit, garantimit dhe respektimit të autoqefalisë së Kishës Orthodokse të Shqipërisë, deri kur qeveria shqiptare në vitin 2009 me Ratifikimin e "Marrëveshjes ndërmjet Këshillit të Ministrave të Republikës së Shqipërisë dhe Komuniteteve fetare të Shqipërisë për rregullimin e marrëdhënieve të ndërsjella" hapi kështu një kapitull të ri të bashkëpunimit dhe njohjes me komunitetet fetare në vendin tonë.

Pse Fortlumturinë e tij Anastas, shqiptarët e ndjejnë si Birin e

Me këtë akt, i ndjeri Fortlumturia e tij Anastas është kryepeshkop i Shqipërisë dhe si i tillë ai meriton gjithë respektin kombëtar.

Kryepeshkopi Anastas tregoi gjatë këtyre mbi 32 vjetëve personalitetin e tij me reputacion botëror, përkushtimin apostolik e baritor me butësine dhe durimin e karakterit.

Ai ka merita të padiskutueshme në krye të grigjës sepse ngriti nje Kishë nga gërmadhat duke e bërë atë faktor shpirtëror e social për të krishterët e më gjerë. Duket qartë se Kryepshkopi Anastas me urtësinë dhe diturinë e tij që e karakterizonte fitoi besimin dhe respektin e shqiptareve fetarë dhe jofetare dhe për shumë besimtarë Kryepeshkopi Anastas mori trajtat e një shenjtori.

Populli shqiptar në historinë e tij ka treguar dhe tregon se është mirënjohës dhe miqtë e vet të huaj si Anastas Janullatos, Fortlumturia e Tij Anastas etj., kurrë nuk i harron, por i kujton dhe nderon me respekt për të gjithë atë çfarë kanë bërë për të, në ditët e tyre të vështira dhe për të ardhmen e tyre.

Pse Fortlumturinë e tij Anastas, shqiptarët e ndjejnë si Birin e

Ata do të mbeten përherë në memorien kombëtare të paharuar dhe respektuar. Ai që kur erdhi në vendin tonë u mrekullua nga shpirti dhe vlerat e shqiptarve, u tregua shqiptar me zemër e me shpirt, ndonëse priti gjatë për të marë nënshtetësinë shqiptare.

Kjo është arsyeja pse ne e ndjejmë atë si birin tonë dhe i dhamë atij titullin e lartë të Kryepeshkopit. Ai bën pjesë me të drejta të plota në historinë e Shqipërisë.

Duke përfituar nga rasti, në këtë moment zie për orthodoksët shqiptarë ju shpreh ngushëllimet e mia më të sinqerta besimtarëve orthodokse, miqve dhe familjes së tij për humbjen e udhëhqesësit të tyre shpirtëror, mikut dhe familjarit të tyre, Fortlumturisë së Tij Anastas!

Një falenderim dhe mirënjohje Hirësi për gjithshka bëtë për Shqipërinë dhe shqiptarët!

Prehu në paqe Hirësia Juaj Anastas! RIP /CNA