E fundit!

11:58 Aktualitet

ABI Bank ka refuzuar të paguajë gjobën 120 milionë për një portal gjobaxhi

ABI Bank ka refuzuar të paguajë gjobën 120 milionë për një...

Përse gjithmonë e vonuar opozita jonë?

29 Shtator 2024, 15:26, Opinione Ilir Levonja

Përse gjithmonë e vonuar opozita jonë? Zor ta shpjegosh, ndaj të vjen të ulërasësh. Zonja dhe zotërinj demokratë, data 6 tetor është vonë, dilni në rrugë pa kompromis. Që sot, që nesër menatë, greva, dhe protesta. O ndizeni atë mut fitili, o hiqni dorë.

Nuk e kuptoni, makineria e propagandës po punon fuqishëm, duke filluar me daljet dhe presionet bajate të diktatorit në OKB deri tek ish-berishistët a ish-demokratët karrigehumbur, që po e kthejnë çështjen "Salianji" në një konfuzion social. Po e kthejnë në raport personal të një individi me emrin "Babale", a në një raport rozë të një dashurie mes atij dhe Grida Dumës.

Diktatori i pari, si dirigjent, fillon e pështyn, bërtet, hakërrohet duke ngjallur frikë me imponimet e tij tashmë sa vulgare aq edhe të papranueshme në demokraci.

Një diktator mizor, i cili më tepër se për shqiptarët kujdeset për performancën e vet dhe të zonjës së tij, si grua e fortë, në panelet e revistave europiane. Këto nuk bëhen pa para, duan xhixhe të thata, nuk të publikon kush kot kur ti i shkon te dera. Ato janë paratë e shqiptarëve, nuk janë paratë e Imelda Markosit. Shqiptarët nuk e dinë akoma se çfarë po ndodh me drejtësinë shqiptare.

Nuk janë të sqaruar, janë konfuzë pasi propaganda të ha. Ndaj sillen me murmurima karshi shoqi-shoqit aq sa e banalizojnë opozitarizmin me termin "Babale" dhe dashnori i Gridës.

Këto janë frytet e presionit diktatorial. Ka vdekur përfundimisht drejtësia dhe ata nuk e dinë, nuk janë të sqaruar, pasi të çan sytë propaganda. Njerëzve gjithçka po u serviret si një çështje langaraqësh opozitarësh që kanë pasuri dhe dashnore, askush nuk e di se pikërisht personi që u denoncua, jo kallëzuar penalisht, është sot në burg.

Propaganda merret sa me shkatërrimin e logjikës, aq edhe çoroditjen, aq edhe presionin social, me imponimin e të fortit, frikën. Në fakt nuk është aspak çështje babale, por opozitarizmi.

Është parim, i cili duhet mbrojtur me të gjitha mënyrat e mundshme nëse e duam demokracinë dhe vendin. Diktatori do ta zhbëjë denoncimin, madje e ka zëvendësuar me termin shpifje, do ligj për shpifje, nuk e do mendimin ndryshe as brenda shtëpisë së vet.

Këto burgosje me urdhër janë jo vetëm vrasja publike e dy shtyllave bazë të demokracisë, opozitarizmit dhe drejtësisë, por edhe pragnisja ''ligjore'' e një lufte të hapur karshi çdo shpirti kundërshtar. Nga sirtari i tij lista e ndëshkimeve sapo është hapur./ CNA