E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

A është McGonigal, informatori i Hunter Bidenit te FBI-ja e Nju Jorkut?!

30 Mars 2023, 14:18, Opinione Robert Papa

A është McGonigal, informatori i Hunter Bidenit te FBI-ja e Nju

McGonigal në metro

Familja Biden është përfshirë në korrupsion me Kinën. Miliona dollarë për 7 vetë të familjes Biden. I biri i tij mediokër, Hunter Biden, ka pasur një informator brenda FBI-së, i quajturi “Ciklopi”, ose "njeriu më një sy", i cili i jepte informacion për partnerët e tij kinezë në biznes, nëse ata ishin nën hetime nga FBI-ja.

Akuzat vijnë nga një ekspert energjie i Izraelit, i cili muajin e kaluar u arrestua në Qipro me akuza për trafiqe armësh. Kongresi amerikan po heton akuzat e Dr. Gal Lyft, ish-nënkolonel i Forcave të Armatosura të Izraelit me lidhje të thella me agjencitë e spiunazhit në Uashington dhe Pekin.

Ai thotë se është arrestuar që ta ndalonin të publikonte ato që dinte për familjen e Biden dhe korrupsionin e FBI-së.

Ai thotë se ato detaje ia ka thënë Departamentit të Drejtësisë më 2019 dhe Departamenti i injoroi. Lyft akuzoi më 18 shkurt përmes "Twitter", mbasi u ndalua ne aeroportin e Qipros, ndërsa po përgatitej të shkonte në Izrael.

“Nuk kam qenë kurrë trafikant armësh.”- thotë ai.

“Departamenti i Drejtesisë kërkon të më varrosë mua për të mbrojtur Joe Biden Hunter dhe Xhim Biden.”

Lyft mbetet në burg dhe pritet të ekstradohet në SHBA me akuza për trafik armësh me Kinën dhe Libinë si dhe dhunim ndaj Aktit të Regjistrimit për Agjentët e Huaj në SHBA.

Përmes avokatit të tij, ai thotë se prej 4 vitesh është orvatur të informojë Departamentin e Drejtësisë se kompania shtetërore kineze e energjisë CEFC ka paguar 100 mijë dollarë në muaj Hunter Bidenin dhe 65 mijë në muaj vëllain e presidentit, Xhim Biden, si këmbim i lidhjeve të tyre me FBI-në dhe të përdornin emrin e Biden të provonte Iniciativën e Unazës Kineze.

Lyft mësoi rreth skemës mes lidhjes së tij me partnerin kinez të Hunter Bidenin, Patrik Hi dhe Ye Jiamain, kryetari i CEFC.

Ye i ka thënë Lyftit se Hunter kishtë një informator brenda FBI-së në Nju Jork, i quajtur “Ciklopi" ose “njeriu me një sy” të cilin e kanë paguar shumë që t’ju jepte informacione sekrete nga FBI-ja.

Përmes kinezëve edhe njeriu i LSI-së, personi B, Duçka, i cili ka kryer pagesa dhe ka marrë pagesa nga Hunter Biden, gjithashtu. FBI-ja vazhdon ta ketë nën hetim.

“Ciklopi” i ka thënë Ye-së se Prokurori i Distriktit Jugor të Nju Jorkut, po hetonte atë dhe Hi, fundi i 2017 dhe nën akuzën e vulosur sekret, do ngrihej padi ndaj ”një aziatiku, një afrikani dhe një çifuti".

Pas kësaj Ye i ofroi Hunter Bidenit 1 million dollarë të bëhej këshilltari i tij privat. Ai fluturon drejt Kinës duke lënë pas gruan, vajzën dhe nënën e tij në apartamentin 50 milionë dollarë në Central Park, Manhatan.

E arrestuan në Shangai dhe pas 3 muajsh është zhdukur. Më 18 nëntor 2018 ai fltuturon drejt JFK Nju Jork ku u arrestua nga FBI-ja për pastrim parash dhe dhënie ryfsheti e dënuan 3 vjet, pa thirrur asnjë dëshmitar dhe pas dënimit u deportua.

Hunter Biden ishte paguar 1 million dollarë, pastaj CEFC pagoi edhe 4.9 milionë dollarë për Hunter dhe Xhim Biden. Komisoni Hetimor i Kongresit ka gjetur të dhënat bankare edhe mbi 1 milion dollarë pagesa për Hunter dhe Xhim Biden si dhe ish-gruan e vëllait të Biden, më pas e dashura e tij.

Lyft thotë se pasi Hi u burgos, disa hetues federalë shkuan në Bruksel dhe e intervistuan për 19 orë më 28 dhe 29 nëntor 2019.

Ai nuk dëgjoi më nga ata. Pas katër javësh Biden deklaroi se do garonte për president.

A është McGonigal “ciklopi” i Hunter Bidenit brenda FBI-së në Nju Jork?

McGonigal është akuzuar nga "Nju Jork Post" se ka pasur lidhje me Hunter Biden. Tashmë ndodhet para dy gjyqeve.

Në Uashington i kanë dhënë edhe 70 ditë afat për të vendosur se a do ketë gjyq apo ai do të pranojë fajin dhe të pranojë dënim më të ulët.

Ai ndiqet në gjendje të lirë, por monitorohet me një byzylyk përgjimi. Javën e kaluar është pikasur në metronë e Nju Jorkut në stacionin World Trade Center. Veshur sportiv me një çantë shpine dhe me kufje të i-phonit të tij.

Askush nuk e ka njohur dhe askush nuk i ka folur. Por ai nuk i ka shpëtuar kamerës së “Fokusit”.

Në dorën e majtë dallohet byzylyku i FBI-së për monitorim. Duket se ka hipur në peshë, por është shumë i lodhur sa edhe dremit.

Ai ka blerë një apartament në Manhattan sepse ka kohë që drejton një kompani "real estate" dhe paguhet nga oligarku rus. Mesa duket është pas një takimi me avokatin e tij, por në gjendje shumë të lodhur.

I vetmuar, i lodhur dhe i heshtur sikur trysnohet nga orët e fundit të një tmerri nga dy gjyqet.

Këto foto tregojnë fundin e një figure të lartë të FBI-së, i cili u zhyt nën korrupsionin e ngrehur nga një ish-spiun sovjetik i KGB-së dhe një ish-spiun shqiptar i Sigurimit. Një mollë e kalbur duke thyer betimin dhe duke turpëruar më mijëra agjentë të ndershëm të FBI-së.

Por është ende i pafajshëm, derisa të provohet përtej arsyes së dyshimit nga gjykata, nëse do të ketë gjyq. Nuk dihet se si do shkojnë dy gjyqet, por ai e ndien peshën e çmimeve të avokatëve dhe dy gjyqe mund të zgjasin dhe mund të kushtojnë mbi 1 milion dollarë.

Nga kjo foto në metronë e Manhatanit duket dikush që rrëshqiti keqas dhe e ardhmja e tij është e paparashikuar.

Të paktën 10 vite burg, por dhe 20. Problemet familjare dhe financiare.

Këto pamje duhet t'i shikojnë të korruptuarit shqiptarë, edhe miku i tij shqiptar lideri global. Kandili po shuhet.

Rama ende vjen si sheik në Nju Jork, të paktën e herën e fundit ka shpenzuar mijëra dollarë veç për taksitë për familjarët e tij.

Është survejuar dhe përgjuar nga FBI-ja. Dy babisiteret nga Shqipëria kanë kënduar në taksitë e Nju Jorkut, dhe FBI mbase nuk i ka përkthyer dot vargjet e tyre./ CNA.al