web counter
LEXO PA REKLAMA!

SHKARKO APP

App Store
Google Play

Vajza e Steve Jobs ironizon publikisht produktet e reja të Iphone

8 Shtator 2022, 12:52, Lifestyle CNA

Vajza e Steve Jobs ironizon publikisht produktet e reja të Iphone

Apple ka prezantuar zyrtarisht linjën më të re të iPhone-ve! Risia e këtij viti është iPhone 14 Plus, i cili ka zëvëndësuar versionin mini, që nuk rezultoi shumë i suksesshëm për kompaninë.

iPhone 14 vjen me një dizajn shumë të ngjashëm me paraardhësin, ekran 6.1 inç, dhe do të kushtojë $799.

iPhone 14 Plus vjen me një ekran më të madh prej 6.7 inç dhe ofron një bateri që zgjat akoma më shumë se versioni bazë. Ky model do të kushtojë $899.

Në fakt tashmë të gjithë e kemi kuptuar se Apple në çdo telefon të ri që sjell, bën vetëm 2-3 ndryshime të vogla ndërkohë që është reklamimi i fuqishëm ai që i shtyn njerëzit t’i blejnë këto pajisje si të ushtuquajturat “Iphone i fundit”.

Një gjë të tillë e ka ironizuar edhe Eve Jobs në rrjetet e saj sociale. Përmes një "Instastory" ajo ka shfaqur një burrë, i cili ka veshur një këmishë, dhe në dorë mban edhe një tjetër të ngjashme, që me sa duket e ka dhuratë dhe ai gëzon njëlloj sikur të kishte një këmishë plotësisht të re.

“Unë duke u ‘përmirësuar’ nga iPhone 13 në iPhone 14 pas lançimit të Apple”- shkruante foto që Eve shpërndau.

Vajza e Steve Jobs ironizon publikisht produktet e reja të Iphone

Kjo ishte një ironi e hapur nga vajza e Steve Jobs, e cila mund të mendohej se ajo mund të ishte edhe pasardhësja e kompanisë.

Por Eve çdo sukses që ka në fakt nuk ia dedikon të atit, pasi ajo është një hipiste mjaft e zonja. Ajo është shumë e aftë në hipizëm, pasi është renditur në vendin e pestë nga 1,000 kalorës nën 25 vjeç.

Një nga sukseset e saj më të mëdha erdhi menjëherë para pandemisë në “Lojërat Pan Amerikane 2019” në Lima, Peru, kur ndihmoi ekipin amerikan të fitonte një medalje bronzi.

Jobs i tha Ëalter Isaacson, autorit të biografisë së tij bestseller, se ai mund ta shihte Eve duke drejtuar “Apple” një ditë, apo edhe të bëhej Presidente e Shteteve të Bashkuara./ CNA.al





Lajmet e fundit nga