web counter
LEXO PA REKLAMA!

SHKARKO APP

App Store
Google Play

E fundit!

x

E rrallë/ 19-vjeçarja lind binjakët me baballarë të ndryshëm

8 Shtator 2022, 10:55, Lifestyle CNA

Një 19-vjeçare ka sjellë në jetë dy binjakë me baballarë të ndryshëm, pasi kishte kryer marrëdhënie seksuale me dy persona. 19-vjeçarja nga Minerios në Goias, Brazil, tregoi se bëri një test atësie sepse donte të konfirmonte se kush ishte babai i fëmijëve.

Ajo mori ADN-në nga personi që mendonte se ishte babai i fëmijëve, por pas dy testeve, rezultatet dolën pozitive vetëm për njërin prej binjakëve. Ndërkohë, kujtoi se kishte bërë seks me një burrë tjetër në të njëjtën ditë dhe kur personi i dytë bëri një test, tregoi se ishte babai i binjakut të dytë.

Fenomeni është emërtuar shkencërisht superfekundacion heteroparental. Duke folur për “Globo", mjeku i saj Tulio Jorge Franco shpjegoi: “Është e mundur të ndodhë kur dy vezë nga e njëjta nënë fekondohen nga burra të ndryshëm. Foshnjat ndajnë materialin gjenetik të nënës, por ato rriten në placenta të ndryshme".

Ai theksoi se rasti është jashtëzakonisht i rrallë, 'një në një milion' dhe nuk e kishte menduar se do ta shihte një të tillë në jetën e tij. Është pohuar se ka vetëm rreth 20 raste të tilla në botë./CNA.al





Lajmet e fundit nga