web counter
LEXO PA REKLAMA!

SHKARKO APP

App Store
Google Play

E fundit!

x

"Po vjen dimër i vështirë"/ Ja disa teknika se si mund të kurseni energji

8 Shtator 2022, 12:55, Lifestyle CNA

Me ardhjen e dimrit në shumë vende në botë, përfshirë këtu dhe Shqipëria është paralajmëruar se do të ketë probleme sa i takon sigurimit të energjisë elektrike.

Prandaj na duhet të kursejme energjinë elektrike për të mos pasur pasoja më të mëdha.

Më poshtë po sjellim disa ide se si mund të kurseni energji, gjatë kohës që përdorni elektroshtëpiaket.

1. Sa më i mbushur të jetë frigoriferi, aq më pak harxhon

Qendra e konsumatorit në Brandenburg, ka deklaruar se rreth 20 për qind e energjisë në frigorifer humbet sa herë hapni derën. Logjikisht, nëse frigoriferi është i mbushur me shishe uji, ai do të humbasë më pak energji, sepse shishet do të veprojnë si depo të ftohta.

Kjo do t'ju ndihmojë të shpenzoni më pak energji sesa po të kishit një frigorifer bosh.

"Në terma afatgjatë, kjo çon në konsum më të ulët të energjisë," thotë konsulenti i energjisë Jahn. Nuk duhet të jenë domosdoshmërisht shishet e ujit, por edhe enët do të funksiononin.

2. Larja e enëve me lavastovilje apo me dorë?

Një studim i bërë në 200 familje në Universitetin e Bonit, Gjermani, ka në qendër të tij konstatimin se ku harxhohet më shumë energji: kur i lan enët në lavaman apo në lavastovilje.

Ai doli në përfundimin se një lavastovilje është 50 për qind më ekonomike me ujë dhe 28 për qind me energji elektrike sesa larja me dorë. Nëse gjatë dimrit ju përdorni më shumë ujë të ngrohë sesa të ftohtë kur lani enët, atëherë po harxhoni më shumë energji sesa po t'i lanit enët në lavastovilje.

Në të kundërt, lavamani është zgjidhja më e mirë për të kursyer.

3. Gradimi i larjes së rrobave

Nëse ju i lani rrobat me 40 gradë, në vend të 60 gradë, ju harxhoni 50% më pak energji. Prandaj sugjerohet që t'i lani rrobat me programe më të shkurtra duke përdorur dhe atë me proces të shkurtër.

Kjo pasi sa më shumë ujë i ngrohtë të nevojitet, aq më tepër energji harxhoni.

 





Lajmet e fundit nga