E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Nis sot "DWTS"/ Sara Hoxha shfaqet "e stresuar": Jeta nuk është për të dobëtit

7 Tetor 2022, 15:22, Lifestyle CNA

Nis sot "DWTS"/ Sara Hoxha shfaqet "e stresuar": Jeta nuk

Prej kohësh tashmë është bërë publike data, ku është njoftuar se sonte (7 tetor) do të nisë spektakli i kërcimit "Dancing With The Stars Albania".

Secili nga pjesëmarrësit ka shprehur entuziazmin për nisjen e këtij programi kaq të dashur për publikun, e po kështu ka bërë edhe Sara Hoxha, e cila mes vështirësive që ka hasur në ditët e para të lindjes së vajzës së saj dhe projektit madhor të "DWTS", ajo ka zgjedhur t'i bëjë të dyja.

Përmes një statusi në "Instagram", Sara shprehet se "DWTS" është një projekt që ajo e ka marrë përsipër dhe do ta rrisi si fëmijën e saj, pavarësisht përkushtimit të saj si nënë e një foshnje të vogël.

“Një javë më parë, më 30 shtator, lindi Ruya. Ndërsa ajo është njeriu më i fortë që kam njohur, ajo pati nevojë për ndihmë mjekësore pasi erdhi në jetë. Me ndihmën e mjekëve, Ruya më në fund po forcohet dhe së shpejti do jemi në shtëpi.
Ndonëse kjo ka qenë java më e bukur e jetës sime, ka qenë edhe më e vështira. Ajo ka zhvendosur prioritetet e mia dhe ka marrë të gjithë fokusin dhe përkushtimin tim. Megjithatë, thonë se jeta nuk është bërë për të dobëtit.

Nga ana tjetër, sot vjen në jetë një program shumë i dashur për ne. I gjithë ekipi ka punuar me muaj për këtë produksion dhe mezi presim ta shihni,”-shkruan Hoxha në postimin e saj.

Ajo gjithashtu shprehu një falënderim edhe për bashkëshortin e saj Ledion Liço, i cili e mbështet gjithmonë.

“Do të doja të falënderoja të gjithë, por veçanërisht atë që më ka mbuluar në të gjitha aspektet e jetës sime. Eshte nderi im të mësoj nga ty @mr.ledionlico dhe të kem emrin tim pranë tendit sonte. Përkushtimi qe ke ndaj meje dhe DWTS është i jashtëzakonshëm dhe të gjithë ata që punojnë me ty e dinë mirë për çfarë flas. Ky produksion sonte, familja jonë e bukur, është e gjitha falë teje!”- shprehet Sara./CNA.al