web counter
LEXO PA REKLAMA!

SHKARKO APP

App Store
Google Play

E fundit!

x

Letra që përloti Romeon/ Donaldi, mesazh prekës: Do të jem gjithmonë aty për ty

16 Korrik 2022, 08:34, Lifestyle CNA
Letra që përloti Romeon/ Donaldi, mesazh prekës: Do të jem
Vëllezërit Romeo dhe Donald Veshaj

Donald Veshaj ka suprizuar vëllain e tij, Romeo Veshajn, në episodin e fundit të emisionit "Më Lër Të Flas".

Në nisje të emisionit, ashtu sikur Romeo e surprizoi në "Big Brother Vip", në të njëjtën mënyrë ka vepruar edhe Donaldi, i cili përmes një letre ka falënderuar vëllain e tij për gjithçka ka bërë për të.

Letra dhe mesazhi kanë përlotur Romeon.

“Gjysma ime, e di që zërin e kam njësoj si ty. Kemi ardhur në jetë bashkë dhe vazhdojmë të jemi të pandarë sepse vetëm bashkë jemi të plotë. Kemi qenë gjithmonë aty për njëri-tjetrin, ndoshta ti ke qenë aty më shumë për mua. Që kur ishim të vegjël ti ishe ai që më mbroje, që më falje çdo gabim dhe më dhuroje çdo gjë që ishte e jotja. Nëse do mundeshe e di që je i gatshëm të më dhurosh edhe shpirtin. Më kujtohet kur ishim të vegjël, ndoshta nuk kishim as veshje e lodra sa do donim, por kishim ëndrra që do të rriteshim dhe ato ëndrra do t’i bënim realitet. Ti gjithmonë i ke marrë iniciativat i pari, ke qenë ai që hidheshe i pari në çdo vështirësi sepse nuk doje të na përfshije edhe ne. Na doje çdo të mirë. Nuk ke menduar asnjëherë për vete, nuk ke dashur asgjë për vete.

Kemi 27 vite jetë dhe ti je i vetmi që ke bërë çdo gjë për mua. Ke qenë gjithmonë aty për mua në çdo lot, vuajtje apo vështirësi që kam kaluar. Më ke dhënë forcë dhe mbështetje, ndaj sot jam unë që dua të bëj diçka për ty. Nuk është shumë në krahasim me gjërat dhe sakrificat që ti ke bërë për mua. Por dua të them përmes këtij klipi se do jem gjithmonë aty për ty. Gjithmonë bashkë, asnjëherë vetëm”, -thoshte Donaldi në klipin e tij që i përloti të dy./ CNA.al





Lajmet e fundit nga