web counter
LEXO PA REKLAMA!

SHKARKO APP

App Store
Google Play

Performoi në "World Cup" dhe publikoi foton me simbolin e shqiponjës/ Era Istrefi rrëfen prapaskenat: Më kërkuan ta hiqja

15 Korrik 2022, 22:32, Lifestyle CNA
Performoi në "World Cup" dhe publikoi foton me simbolin e
Këngëtarja, Era Istrefi

Këngëtarja Era Istrefi ka treguar për herë të parë ndjesitë që ka pasur kur u përzgjodh për të kënduar bashkë me Will Smith dhe Nicky Jam, himnin e "Fifa World Cup 2018."

Këngëtarja u shpreh se audienca ka qenë shumë e madhe, rreth 2 miliardë njerëz kanë parë shfaqjen nga e gjithë bota.

Istrefi tregoi se ndër 30 këngëtarët që morën pjesë në audicion, ajo ishte e përzgjedhura.

Emocionet ishin të mëdha për Erën edhe në momentin që ka performuar në stadiumin gjigant, por më e madhe ishte ndjenja e përkrahjes së shqiptarëve.

Ajo tregon se në një moment nga ndjenja e thellë e patriotizmit ka bërë simbolin e shqiponjës në stadium. Foton e ka publikuar në "Instagram", por i është kërkuar nga FIFA ta fshijë pasi mund të merrej si lëvizje politike.

Këngëtarja tha se në ato momente është ndier shumë keq dhe shumë e diskriminuar, por në fund është munduar të kuptojë arsyet.

“2 bilionë shikues na kanë parë nga e gjithë bota. Audienca ka qenë shumë e madhe. Puna ime është me dal në skenë me këndu. Ndjenja nuk ka qenë shumë veçantë, ajo që ka ndez më shumë ndjenjat ka qenë krenaria, emocionet e shqiptarëve, ndjenja që ndjenin ata për mua, një moment e bëra shqiponjën se e ndjeva atë ndjenjën e patriotizmit, por më thanë se duhet të hiqja fotografinë se ishte lëvizje politike. U lëndova shumë, u ndjeva e diskriminuar, qava shumë, se kuptova pse duhet ta fshija”, tha Era./ CNA.al

 





Lajmet e fundit nga