web counter
LEXO PA REKLAMA!

SHKARKO APP

App Store
Google Play

“I shkruaja, edhe pse e dija që nuk do të më kthente”/ Jonida Shehu rrëfen periudhën më të vështirë të jetës së saj

7 Korrik 2022, 09:06, Lifestyle CNA

“I shkruaja, edhe pse e dija që nuk do të më

Moderatorja Jonida Shehu ka rrëfyer për periudhën më të vështirë të saj, pas humbjes së nënës së saj.

E ftuar në emisionin “Goca dhe gra” moderatorja Jonida Shehu zbuloi se me të ëmën ka pasur një lidhje shumë të fortë dhe kanë pasur kontakte të dyja deri në ditën e fundit.

Moderatorja tregoi se sa të vështirë e pati muajin e parë dhe se si i shkruante mesazhe dhe pse e dinte që e ëma nuk do t'i kthente ato.

 “Unë kam qenë shumë e lidhur me mamin sepse im atë e ka humbur jetën më herët. Unë kam qenë 23-24 vjeç, kështu që gjithë kohën e moshës që duhet të rritesha kam jetuar me mamanë time derisa jam shkëputur që kam nisur bashkëjetesën. Deri në ditën e fundit pavarësisht se ajo kishte zgjedhur të jetonte vetëm dhe jo me ne, pothuajse kemi qenë në mënyrë konstante bashkë me njëra-tjetrën. Ajo shkonte-vinte, nëse kisha një orë të lirë ajo vinte tek unë, para se të flinim bëheshin telefonatat përkatëse. Nuk e lidh mungesën me periudha për mua çdo sekondë është mungesë shumë e madhe. Vuajtja ka qenë shumë e madhe, sidomos muajin e parë. Kur kthehesha nga puna, ishte rituali që hyja në makinë dhe bëja telefonatën e parë dhe ka qenë një periudhë shumë e vështirë. Më pas fillova t’i shkruaja në 'WhatsApp' duke e ditur që nuk do të më kthejë përgjigje po e kalova atë cikël dhe jam vetëm te mendimet tani”, rrëfeu moderatorja./ A.E-CNA.al





Lajmet e fundit nga