Foto- Ekskluzive/ Eda dhe Mateo të "Përputhen" në një lidhje jashtë programit, kapen "mat" në Korçë

28 Nëntor 2022, 14:20, Lifestyle CNA

Foto- Ekskluzive/ Eda dhe Mateo të "Përputhen" në

‘Përputhen” është një nga programet që prej disa sezonesh ka rrëmbyer vëmendjen e publikut, duke zëvendësuar disi dashurinë e shqiptarëve për telenovelat turke, me telenovela shqiptare.

Ndonëse proklamojnë gjithmonë se emisioni është transparent dhe se njohjet e konkurrentëve zhvillohen para syve të gjithë publikut, së fundmi një tjetër “gënjeshtër” ka dalë në shesh.

Bëhet fjalë për dy konkurrentët, Eda dhe Mateo, të cilët prej kohësh kanë nisur një njohje në “Përputhen”, por së fundmi po sillen sikur janë ftohur në program.

Mirëpo faktet qëndrojnë ndryshe, pasi së fundmi CNA.al i ka “kapur mat” në një lokal nate në Korçë.

Ata shihen krah njëri-tjetrit duke kërcyer dhe duken mjaft të afërt, duke ngritur kështu dyshimet për një lidhje jashtë programit.

Nuk ishte as një festë e “Top Channel”, siç shpesh justifikohen konkurrentët, as një xhirim i takimeve të tyre të radhës, ndaj këto foto janë një tjetër provë, se si këta konkurrentë përfitojnë nga vëmendja dhe kërshëria e publikut.

Foto- Ekskluzive/ Eda dhe Mateo të "Përputhen" në

Dëshira për të qëndruar sa më gjatë në program dhe për të marrë më shumë famë, përmes sherreve e dramave të vazhdueshme, me sa duket është shndërruar në një arsye për të mos qenë të vërtetë përballë publikut.

Kujtojmë se pak kohë më parë u përjashtua një konkurrente, Anxhela, pikërisht për këtë arsye, pasi kishte frekuentuar me dy nga djemtë e programit. Por a do të kenë të njëjtin fat Eda dhe Mateo?/CNA.al