E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Çfarë të bëjmë kur na zë ngërçi i muskujve?

26 Shtator 2022, 19:40, Lifestyle Anila Kalleshi

Foto ilustruese

NGËRÇI është një tkurrje e fortë dhe e dhimbshme e muskujve.

Kap më shumë këmbët, pulpat dhe kofshët, por ndonjëherë edhe krahët dhe duart.

Mungesa e kripërave minerale, lodhje, ftohje, pozicione të parehatshme që ke qëndruar për një kohë të gjatë dhe që pengojnë rrjedhjen e gjakut.

Në muskul mbërrin pak oksigjen dhe grumbullohet acidi laktik, substancë e prodhuar nga një punë ku vihen në përdorim muskujt, që jep mpirje: muskuli forcohet dhe nëse përpiqesh ta lëvizësh, ai mpihet edhe më shumë.

Nëse ngërçi të zë në kohën që po merresh me sport, përpara se të fillosh, pi një gjysmë gote me lëng frutash dhe gjysmë gote ujë: do të pengojë humbjet e kripërave minerale që i shkaktojnë ato.

Çfarë të bëjmë kur na zë ngërçi i

• Mos bëj gjimnastikë direkt pas ngrënies, sepse gjatë tretjes, stomaku u “vjedh” gjak muskujve.

• Kur të kap, dhembjen mund ta lehtësosh duke shmpirë me ngadalë muskulin e mpirë.

• Nëse ngërçi të zë në dorë: bashkoji duart dhe me dorën që s’të dhemb shtyj me ngadalë prapa, drejt pulsit, gishtat e dorës tjetër.

• Nëse ngërçi të zë në këmbë: ulu, kape me duar, kap gishtat, tërhiqi drejt vetes dhe shtyj përpara thembrën.

• Nëse ngërçi të zë në pulpë: ulu në tokë, duke mbajtur këmbën që të dhemb të shtrirë dhe tjetrën të përkulur. Përpiqu të kapësh gishtat e këmbës së mpirë dhe tërhiqi me ngadalë, por pa i lëvizur. Vazhdo derisa mpirja muskulore të pakësohet.

• Nëse ngërçi të zë në kofshë: ke nevojë për ndihmën e dikujt. Ulu në tokë dhe kërkoji ndihmësit tënd që me njërën dorën të të ngrejë thembrën dhe me tjetrën të të shtypë gjurin duke ta ulur poshtë. Ti ndërkohë masazho me ngadalë muskujt e kofshës. Brenda pak çasteve, spazma muskulore pakësohet aq shumë derisa zhduket.