web counter
LEXO PA REKLAMA!

SHKARKO APP

App Store
Google Play

Artistja rrëfehet hapur/ “Unë dhe bashkëshorti kemi lidhje paralele”

18 Nëntor 2024, 15:09, Lifestyle CNA
Artistja rrëfehet hapur/ “Unë dhe bashkëshorti kemi lidhje
Shkrimtarja dhe artistja, Besa Myftiu

Shkrimtarja dhe artistja, Besa Myftiu, ka habitur kohë më parë, kur tha se ajo dhe bashkëshorti i saj zviceran tani jetojnë një martesë të hapur.

Herë pas here ata krijojnë raporte me të tjerë, por sërish janë bashkë dhe gëzohen apo trishtohen për historitë e njëri-tjetrit.

Për artisten Besa Myftiu, njëkohësisht dhe nëna e këngëtares Elina Duni, kjo gjë duket e thjeshtë, sepse në jetën e saj asgjë nuk është brenda “normës” shqiptare.

Në një intervistë për revistën "Living" për lidhjen e saj të hapur ka thënë:

“Unë dhe bashkëshorti mund të kemi jetën tonë, jetojmë në qytete të ndryshme. Pas 20 vjetësh ndryshojnë gjërat… Jemi si miq, kështu që nuk ka problem edhe nëse ndonjëri nga ne bie në dashuri me dikë tjetër. Përkundrazi, gëzohemi për tjetrin.”

Kjo lidhje e hapur nuk e pengon Besën që të vazhdojë ta dojë bashkëshortin e saj dhe se nuk lëndohet aspak kur ai ka ndjenja dashurie apo lidhje me një femër tjetër.

“Unë vazhdoj ta dua, por ndryshon dashuria; është një lloj tjetër, kemi qenë për vite të dashuruar. Të parat që e kuptojnë kur ai është i dashuruar me dikë tjetër, jemi unë edhe Elina. Unë jam e para, kujt do t’ia thotë tjetër ai? Ka ndodhur që herë pas here ai të ketë ndonjë lidhje dhe jam mërzitur po aq sa ai, kur është ndarë. Kur e do tjetrin, ti dëshiron që ai të jetë mirë, me kë të dojë dhe si të dojë. Ne jemi secili i lumtur në qytetin e tij. E përse u dashka që unë të ndahem me ligj? Çfarë më ka bërë ai mua? Ne duhemi dhe rrimë si vëlla e motër. Praktikisht, kjo është ajo që u ndodh gjithë çifteve në Shqipëri, por ata nuk e thonë. Ne festuam 25-vjetorin e martesës, që për ne është një kontratë shoqërore. Jemi shumë mirë kështu siç jemi”, ka përfunduar Besa Myftiu.





Lajmet e fundit nga