E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Lulja gojë ujku, përdorimet e panjohura mjekësore

16 Nëntor 2024, 22:30, Lifestyle CNA

Lulja gojë ujku dhe ngjyrat e larmishme të saj zbukurojnë oborre e lulishte të shumta në vendin tonë.

Kjo lule rritet gjerësisht në zonat shkëmbore të Europës.

Në vendin tonë ajo njihet si gojë ujku, ndërsa në vendet e tjera njihet si lule dragoi, lule luani, ose lule gojëqeni, për shkak të formës së petaleve të kësaj luleje të veçantë me emrin botanik Antirrhinums.

Në fakt, ishin Romakët e lashtë ata që e shpërndanë këtë lule në mbarë Europën dhe në të gjithë perandorinë.

Ata i dhanë lules emrin ‘leonis ora’ që përkthehet ‘goja e luanit.’

Simbolika e kësaj luleje është forca, por edhe dinakëria.

Përdorimet botanike të lules

Lule gojë ujku nuk vlerësohet vetëm për bukurinë dhe ngjyrat e saj.

Farat e kësaj luleje prodhojnë një vaj botanik që përdoret kundër ënjtjeve në trup.

Gjethet dhe petalet e kësaj lule përdoren edhe në mjekësinë popullore.

Ato thahen dhe përdoren në pomada të fuqishme kundër inflamacionit.

Vlerat shëndetësore të lule gojë ujkut

Parandalon infeksionet e lëkurës

Për shumë vite, kjo lule është përdorur në disa pomada të mira për shërimin e plagëve.

Gjethet dhe petalet e lules kanë aftësi shtrënguese të poreve dhe luftojnë inflamacionin në zonën e lënduar të lëkurës. Në pikat e shitjes së bimëve medicinale mund të gjeni solucione të përgatitura me lule gojë ujku.

Kundër të djegurave

Kjo lule përdoret edhe kundër të djegurave në lëkurë.

Aplikimi i pomadës në zonën e lëkurës që ka pësuar të djegura, ofron qetësim nga dhimbjet.

Kjo është arsyeja përse lulja gojë ujku rekomandohet edhe kundër të djegurës nga dielli.

Pastrimi i gjakut

Lulja gojë ujku përdoret për largimin e toksinave dhe helmeve nga gjaku dhe për uljen e tensionit të gjakut.

Me lulet dhe gjethet e thara të lule gojë ujkut mund të bëni një çaj si të gjithë çajrat e tjerë bimorë.

Kundër infeksioneve urinare

Bima në fjalë përdoret edhe në trajtimin e infeksioneve urinare.

Përdoreni çajin e lules gojë ujku pas konsultimit me mjekun tuaj.

Për uljen e temperaturës

Një përdorim tjetër i kësaj lule është ai i uljes së temperaturës së trupit.