web counter
LEXO PA REKLAMA!

SHKARKO APP

App Store
Google Play

Akuza për shitjen e të dhënave/ "Twitter" gjobitet me 150 milionë dollarë në SHBA

28 Maj 2022, 21:51, Lifestyle CNA
Akuza për shitjen e të dhënave/ "Twitter" gjobitet me
Foto ilustruese - "Twitter"

"Twitter" duhet të paguajë një gjobë prej 150 milionë dollarësh në SHBA, pasi zyrtarët e zbatimit të ligjit e akuzuan atë për përdorimin e paligjshëm të të dhënave të përdoruesve, për të ndihmuar në shitjen e reklamave.

Duke iu referuar dokumenteve të paraqitura në gjykatë, Komisioni Federal i Tregtisë (FTC) dhe Departamenti i Drejtësisë thonë se "Twitter" ka shkelur një marrëveshje që kishte me rregullatorët.

"Twitter" ishte zotuar të mos jepte informacione personale si numrat e telefonit dhe adresat e emailit për reklamuesit.

Hetuesit federalë thonë se kompania e mediave sociale i ka thyer këto rregulla, raporton "BBC".

Agjencia për mbrojtjen e konsumatorëve, FTC, akuzon "Twitter"-in për shkeljen e një urdhri të vitit 2011 që e ndalonte në mënyrë eksplicite kompaninë të keqinterpretonte praktikat e saj të privatësisë dhe sigurisë.

"Twitter" gjithashtu u gjobit me 400,000 £ në dhjetor 2020 për shkeljen e rregullave të privatësisë së të dhënave GDPR të Europës.

"Twitter" gjeneron pjesën më të madhe të të ardhurave të tij nga reklamat në platformë, e cila u lejon përdoruesve që variojnë nga konsumatorët, personazhet VIP e deri te koorporatat të postojnë mesazhe me 280 karaktere./ CNA.al

 





Lajmet e fundit nga