web counter
LEXO PA REKLAMA!

SHKARKO APP

App Store
Google Play

E fundit!

x

Studimi: Ecja e shpejtë ngadalëson plakjen

26 Maj 2022, 16:33, Lifestyle CNA
Studimi: Ecja e shpejtë ngadalëson plakjen
Foto ilustruese, njerëz duke ecur

Njerëzit që ecin rregullisht me një ritëm të shpejtë mund të ngadalësojnë procesin e tyre biologjik të plakjes me 16 vjet.

Ky është rezultati i një studimi të bërë nga shkencëtarët nga Universiteti i Leicester-it, të cilët gjetën një lidhje midis ecjes së shpejtë dhe gjatësisë së telomereve të leukociteve (LTL), që është një tregues i plakjes biologjike.

Gjatë studimit, ekipi i shkencëtarëve ekzaminoi të dhënat e Biobank në Mbretërinë e Bashkuar nga më shumë se 405,000 të rritur të moshës së mesme për të vlerësuar rezultatet e tyre shëndetësore pas ecjes me një ritëm të shpejtë. Secili pjesëmarrës mbante një pajisje të veshur për të ndjekur ritmin e tyre të ecjes. Studiuesit zbuluan se ecja e shpejtë ishte e lidhur me telomeret më të gjata. 

“Masa të tilla si shpejtësia zakonisht më e ngadaltë e ecjes janë një mënyrë e thjeshtë për të identifikuar njerëzit në rrezik më të madh të sëmundjeve kronike ose plakjes së pashëndetshme dhe se intensiteti i aktivitetit mund të luajë një rol të rëndësishëm në optimizimin e ndërhyrjeve”, ka deklaruar Dr Paddy Dempsey, raporton Diabetes.co.uk.

Hulumtimet e mëparshme të kryera nga Universiteti i Leicester-it kanë zbuluar se individët që ecin për 10 minuta çdo ditë me një ritëm të shpejtë ka të ngjarë të jetojnë 20 vjet më shumë se njerëzit që ecin ngadalë.

Lidhur me këtë, Profesor Tom Yates tha: “Ndërsa ne kemi treguar më parë se ritmi i ecjes është një parashikues shumë i fortë i gjendjes shëndetësore, ne nuk kemi qenë në gjendje të konfirmojmë se adoptimi i një ritmi të shpejtë ecjeje në fakt shkakton shëndet më të mirë. Në këtë studim ne përdorëm informacionin e përmbajtur në profilin gjenetik të njerëzve për të treguar se një ritëm më i shpejtë i ecjes ka të ngjarë të çojë në një moshë biologjike më të re, siç matet nga telomeret”./ CNA.al





Lajmet e fundit nga