web counter
LEXO PA REKLAMA!

SHKARKO APP

E fundit!

x

Zbulohet motivi i vrasjes së Egli Progës/ Autori i vuri si "gjobë" xhiron ditore

13 Gusht 2024, 13:09, Kronika CNA
Zbulohet motivi i vrasjes së Egli Progës/ Autori i vuri si
Egli Proga

Detaje të tjera tronditëse kanë dalë nga ngjarja e rëndë që ndodhi pak ditë më parë në Pogradec, ku u vra 42-vjeçari Egli Proga. 

Raportohet se Denis Meçe, personi i arrestuar si autor i ngjarjes, i kishte vënë “gjobë” viktimës, duke i kërkuar atij xhiron ditore të lokalit të tij.

Por, viktima ka refuzuar të japë para, duke u shprehur se ka për të mbajtur dy fëmijët e tij, dhe në këtë moment është dhunuar rëndë nga Denis Meçe, derisa humbi jetën në spital.

Egli Proga ka qëndruar për 30 minuta i shtrirë në tokë, ndërsa i pranishëm ka qenë një efektiv policie. Madje familjarët kanë tentuar ta çojnë në spital, por janë refuzuar, duke thënë se ndihma mund të jepet vetëm me ambulancë.

Ndërkohë në seancën e sotme gjyqësore është lënë në burg autori Denis Meçe dhe është vendosur masa "detyrim paraqitje" 3 personat e tjerë të arrestuar për "moskallëzim krimi" dhe "veprime që pengojnë zbardhjen e së vërtetës". 

Vendimi u mor nga gjyqtarja Luljeta Kole./CNA 

 

 

 

 





Lajmet e fundit nga