web counter
LEXO PA REKLAMA!

SHKARKO APP

App Store
Google Play

E fundit!

x

Vrasja në Pogradec/ Avokati i Popullit nis verifikimet për policinë

12 Gusht 2024, 18:35, Kronika CNA
Vrasja në Pogradec/ Avokati i Popullit nis verifikimet për
Avokati i Popullit

Avokati i Popullit ka reaguar vrasjen e 42-vjeçarit Egli Proga në Pogradec, ngjarje për të cilin policia raportoi fillimisht se kishte ndërruar jetë pasi ishte rrëzuar në gjendje të dehur.

Avokati i Popullit shpreh shqetësim për pretendimet e ngritura nga familjarët e viktimës dhe mediat për fshehje të krimit.

Gjithashtu njofton se ka nisur një verifikim të plotë mbi veprimet dhe procedurat e ndjekura nga policia.

“Institucioni i Avokatit të Popullit shpreh shqetësimin e thellë lidhur me ngjarjen e rëndë të ndodhur në Pogradec, ku një qytetar humbi jetën në rrethana të dyshimta.

Në veçanti, Avokati i Popullit shpreh shqetësim për pretendimet e ngritura nga familjarët e viktimës dhe një pjesë e opinionit publik në Pogradec, lidhur me mundësinë e fshehjes apo manipulimit të ngjarjes nga strukturat e policisë lokale.

Avokati i Popullit, si institucion i pavarur kushtetues, jo vetëm ka për detyrë të mbrojmë të drejtat e njeriut por edhe të garantojë transparencë dhe drejtësi në çdo rast ku mund të jenë shkelur këto të drejta.

Përsa më sipër Avokati i Popullit njofton se ka nisur një verifikim të plotë mbi veprimet dhe procedurat e ndjekura nga organet kompetente në këtë çështje.

Ky verifikim do të synojë të hedhë dritë mbi të gjitha aspektet e ngjarjes, përfshirë edhe pretendimet për moszbardhjen e drejtë të situatës”, deklaron Avokati i Popullit./ CNA





Lajmet e fundit nga