web counter
LEXO PA REKLAMA!

SHKARKO APP

App Store
Google Play

E fundit!

x

Vrasja e 42-vjeçarit/ Rrumbullaku, urdhër për inspektim të punës së efektivëve të Pogradecit

12 Gusht 2024, 10:52, Kronika CNA

Vrasja e 42-vjeçarit/ Rrumbullaku, urdhër për inspektim të

Drejtori i Përgjithshëm i Policisë së Shtetit, Muhamet Rrumbullaku, ka urdhëruar inspektim në Drejtorinë Vendore të Policisë, Korçë, lidhur me ngjarjen në qytetin e Pogradecit, ku u vra 42-vjeçari Egli Proga. 

Rrumbullaku urdhëroi Drejtorinë e Standardeve Profesionale për kryerjen e vlerësimit të zbatimit të detyrave të efektivëve të Komisariatit të Pogradecit lidhur me ngjarjen ku, pas një konflikti, humbi jetën 42-vjeçari.

Për vrasjen e Egli Progës është arrestuar autori i ngjarjes D. M., 29 vjeç. Mbi të rëndon akuza "vrasje me dashje".

Në prangat e policisë kanë rënë edhe 3 persona të tjerë  V. S., 40 vjeç, A. M., 55 vjeç, dhe L. G., 47 vjeç, për veprat penale "Moskallzim krimi", dhe "Veprime që pengojnë zbulimin e së vërtetës".

Fillimisht ngjarja u raportua se 42-vjeçari u gjet i plagosur në rrugë dhe më pas ndërroi jetë në spital. Nga hetimet rezultoi se kemi të bëjmë me një vrasje. 

Njoftimi i Policisë:

Drejtori i Përgjithshëm i Policisë së Shtetit urdhëron inspektim në Drejtorinë Vendore të Policisë, Korçë, lidhur me ngjarjen në qytetin e Pogradecit. 

Bazuar në Rregulloren e Policisë së Shtetit, Drejtori i Përgjithshëm i Policisë së Shtetit, Drejtues Madhor Muhamet Rrumbullaku, urdhëroi Drejtorinë e Standardeve Profesionale për kryerjen e vlerësimit të zbatimit të detyrave të strukturave në Drejtorinë Vendore të Policisë, Korçë, dhe në Komisariatin e Pogradecit, lidhur me ngjarjen ku, pas një konflikti, humbi jetën një 42-vjeçar.

Drejtoria e Standardeve Profesionale në Drejtorinë e Përgjithshme të Policisë së Shtetit do të vlerësojë të gjithë tërësinë e veprimeve dhe reagimit të punonjësve të policisë, prej momentit të parë të marrjes së njoftimit mbi ngjarjen, duke synuar nxjerrjen e përgjegjësisë dhe personave përgjegjës, nëse rezultojnë të tillë.

Drejtoria e Përgjithshme të Policisë së Shtetit shpreh edhe një herë angazhimin maksimal për zbatimin e ligjit dhe punën profesionale dhe me integritet të strukturave të policisë./CNA 





Lajmet e fundit nga