web counter
LEXO PA REKLAMA!

SHKARKO APP

App Store
Google Play

E fundit!

x

53-vjeçari zihet me vëllezërit, plagos njërin prej tyre

10 Gusht 2024, 15:11, Kronika CNA

53-vjeçari zihet me vëllezërit, plagos njërin prej tyre

Policia ka parandaluar përshkallëzimin e një konflikti që mund të sillte pasoja për jetën në Hamallaj të Durrësit.

Sherri ka ndodhur mes 3 vëllezërve në oborrin e përbashkët të banesave të tyre, për motive të dobëta.

Njëri prej vëllezërve me iniciale A. P. ka dëmtuar me thikë gomat e një automjeti tip furgon. Më pas, ai është konfliktuar fizikisht me dy vëllezërit e tij, shtetasit L. P. dhe Y. P., duke përdorur sende të forta dhe thikë.

Si pasojë ka mbetur i dëmtuar në dorë shtetasi Y. P., i cili fatmirësisht ndodhet jashtë rrezikut për jetën.

Gjatë kontrollit të ushtruar në banesën e shtetasit A. P., policia gjeti dhe sekuestroi dy armë zjarri pistoleta, 4 karikatorë për pistoletat, një silenciator të pamontuar dhe fishekë luftarakë.

Gjithashtu, u sekuestrua dhe thika e përdorur gjatë konfliktit.

Në vijim të veprimeve procedurale për rastin, specialistët e Seksionit për Hetimin e Krimeve arrestuan në flagrancë tre vëllezërit:

- A. P., 53 vjeç, për veprat penale "Dhuna në familje", "Mbajtja pa leje dhe prodhimi i armëve, armëve shpërthyese dhe municioneve", “Prodhimi, mbajtja, blerja apo shitja pa leje e armëve të ftohta" dhe "Shkatërrim prone";

- L. P., 49 vjeç, dhe Y. P., 43 vjeç, për veprën penale “Dhuna në familje”.

Ndërkaq, materialet procedurale i kaluan Prokurorisë për veprime të mëtejshme./ CNA





Lajmet e fundit nga