E fundit!

11:24 Aktualitet

SPAK merr të pandehur ish-kryebashkiakun socialist

SPAK ka marrë të pandehur ish-kryebashkiakun socialist të ...

VIDEO- CNA siguron pamjet pak momente para vrasjes së 42-vjeçarit

12 Gusht 2024, 12:09, Kronika CNA

CNA ka siguruar pamjet e momenteve para vrasjes së 42-vjeçarit E.P. në Pogradec.

Në pamje shihet që E. P., 42 vjeç, duke dalë nga lokali ku më pas ka ndodhur përplasja fizike me shtetasin D.M., 29 vjeç.

Filmimet tregojnë momentet para sherrit ku është përfshirë 42-vjeçari.

Viktima shihet teksa ecën në mënyrë të paekuilibruar ndërkohë që sipas të dhënave pak metra më tej është rrëzuar në tokë.

Policia në njoftimin zyrtar shpjegoi se ngjarja ka ndodhur në lagjen nr. 1 Pogradec, ku gjatë një konflikti për motive të dobëta shtetasi D. M., 29 vjeç, dyshohet se jashtë ambienteve të një lokali është konfliktuar fizikisht me shtetasin E. P., 42 vjeç, i cili gjatë konfliktit fizik është rrëzuar në tokë pa ndjenja dhe për pasojë ka ndërruar jetë.

Shtetasi D. M., 29 vjeç, pas konfliktit është larguar nga vendi i ngjarjes, por falë reagimit në kohë të Policisë u bë e mundur kapja dhe arrestimi i tij për veprën penale “Vrasja me dashje”.

Në vijim të veprimeve për zbardhjen dhe dokumentimin e plotë ligjor të kësaj ngjarjeje, shërbimet e Seksionit për Krimet Kundër Personit në DVP Korçë në bashkëpunim me shërbimet e Komisariatit të Policisë Pogradec arrestuan në flagrancë shtetasit:

V. S., 40 vjeç, A. M., 55 vjeç, dhe L. G., 47 vjeç, për veprat penale "Moskallzim krimi", dhe "Veprime që pengojnë zbulimin e së vërtetës". Këta shtetas kanë qenë të pranishëm kur ka ndodhur ngjarja dhe nuk kanë kallëzuar krimin duke penguar zbardhjen e së vërtetës.

Po ashtu Policia e Pogradecit reagoi në lidhje me akuzat se është tentuar të fshihet ngjarja.

Në sqarimin për mediat, Policia e Pogradecit theksoi se në asnjë moment nuk është tentuar të manipulohet apo të fshihet ngjarja.

Ndërkohë ditën e sotme, kreu i Policisë së Shtetit, Muhamet Rrumbullaku, nisur nga ngjarja e rëndë dhe akuzat ka kërkuar inspektim në Drejtorinë Vendore të Policisë Pogradec dhe Drejtorinë Vendore të Policisë së Korçës./ CNA