web counter
LEXO PA REKLAMA!

SHKARKO APP

Vrasja e 42-vjeçarit/ Lihet në burg autori, “detyrim paraqitje” për 3 personat e tjerë

13 Gusht 2024, 12:38, Kronika CNA

Vrasja e 42-vjeçarit/ Lihet në burg autori, “detyrim

Lihen në burg autori Denis Meçe dhe me "detyrim paraqitje" 3 personat e tjerë të arrestuar për "moskallëzim krimi" dhe "veprime që pengojnë zbardhjen e së vërtetës", lidhur me vrasjen e Egli Progës në qytetin e Pogradecit, konkretisht Voltan Shulku, Arian Manellari dhe Leonidha Guçe.

Prokuroria ka kërkuar masën e sigurisë "arrest në burg" për autorin, ndërsa kjo kërkesë u pranua nga gjyqtarja Luljeta Kole. Ndërsa, për tre të tjerët u la masa e detyrimit me paraqitje.

"Nisur nga interesi i treguar prej Jush për rastin bëjmë me dije se:
Në Gjykatën e Shkallës së Parë e Juridiksionit të Përgjitshëm Korçë, u zhvillua sot në datën 13.08.2024 ora 11:00 seanca me objekt: "Vleftësim arresti në flagrancë, caktim mase sigurimi", ndaj shtetasve D.M, V.SH, A.M, L.G ku gjykata në përfundim vendosi: Pranimin e kërkesës.
1- Vleftësimin si të ligjshëm të arrestit në flagrancë dhe caktimin e masës së sigurimit "Arrest në burg" ndaj shtetasit D.M, i dyshuar për kryerjen e veprës penale "Vrasja nga pakujdesia" parashikuar nga neni 85 i Kodit Penal.

2- Vleftësimin si të ligjshëm të arrestit në flagrancë dhe caktimin e masës së sigurimit "Detyrim për t'u paraqitur në policinë gjyqësore" ndaj shtetasit V.Sh, i dyshuar për kryerjen e veprës penale "Moskallëzimi i krimit" parashikuar nga neni 300 i Kodit Penal.

3-Vleftësimin si të ligjshëm të arrestit në flagrancë dhe caktimin e masës së sigurimit "Detyrim për t'u paraqitur në policinë gjyqësore" ndaj shtetasit A.M, i dyshuar për kryerjen e veprës penale "Moskallëzimi i krimit" parashikuar nga neni 300 i Kodit Penal.

4-Vleftësimin si të ligjshëm të arrestit në flagrancë dhe caktimin e masës së sigurimit "Detyrim për t'u paraqitur në policinë gjyqësore" ndaj shtetasit L.G, i dyshuar për kryerjen e veprës penale "Moskallëzimi i krimit" parashikuar nga neni 300 i Kodit Penal", thuhet në njoftim./ CNA





Lajmet e fundit nga