web counter
LEXO PA REKLAMA!

SHKARKO APP

App Store
Google Play

Zbulohet foleja e prostitucionit në Durrës/ Arrestohen dy shtetase braziliane

27 Nëntor 2025, 08:56, Kronika CNA

Zbulohet foleja e prostitucionit në Durrës/ Arrestohen dy shtetase

Policia e Durrësit ka finalizuar fazën e dhjetë të operacionit të koduar “STORM”, i fokusuar në goditjen e veprimtarive kriminale të prostitucionit dhe përdorimit të lëndëve narkotike. Operacioni është zhvilluar pas disa javësh hetime.

Gjatë ndërhyrjes policore u arrestuan dy shtetase braziliane, B. B., 24 vjeçe, dhe H. D., 21 vjeçe, të cilat, sipas hetimeve, kishin marrë me qira një apartament në lagjen nr. 2 të Durrësit, ku dyshohet se ushtronin prostitucion dhe konsumonin lëndë narkotike. Gjatë aksionit, të dyja refuzuan të hapnin derën e apartamentit, e cila u detyrua të hapej me ndihmën e zjarrfikësve.

Po ashtu, u procedua penalisht në gjendje të lirë shtetasi K. M., 22 vjeç, për veprën penale “Prostitucioni”.

Gjatë kontrollit u sekuestruan si prova materiale dy pasaportat e shtetaseve të huaja, një shumë parash në euro dhe lekë, tre celularë, një bllok shënimesh, disa karta SIM, si dhe dy sasi të vogla lëndësh narkotike të dyshuara si kanabis dhe çokollatë me përmbajtje kanabisi.

Operacioni “STORM” vijon me qëllim goditjen e aktiviteteve të paligjshme të prostitucionit dhe shpërndarjes së drogave në territorin e Durrësit./ CNA





Lajmet e fundit nga