E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Operacion blic në Shkodër/ Goditet një rast i armëmbajtjes pa leje dhe shitjes së narkotikëve

26 Nëntor 2025, 14:22, Kronika CNA

Operacion blic në Shkodër/ Goditet një rast i armëmbajtjes

Policia e Shkodrës ka arrestuar një 40-vjeçar dhe ka nisur hetimet për një 16-vjeçar pasi gjatë kontrolleve në mjetin me të cilin udhëtonin u janë gjetur një armë zjarri pistoletë, municion luftarak dhe një sasi lënde narkotike.

Mbi 40-vjeçarin rëndon akuza e ”mbajtjes pa leje dhe prodhimit të armëve, armëve shpërthyese dhe i municionit”, ndërsa mbi 16-vjeçarin, ajo për “prodhimin dhe shitjen e narkotikëve”.

Njoftimi i Policisë:

Shkodër/Kontrolle intensive për evidentimin dhe goditjen e paligjshmërive, goditen 1 rast në fushën e armëmbajtjes pa leje dhe 1 rast në fushën e narkotikëve.

Finalizohet operacioni policor i koduar “Blic”.

Sekuestrohen 1 armë zjarri pistoletë, municion luftarak dhe një sasi lënde narkotike kanabis.

Vihet në pranga 40-vjeçari që posedonte pistoletën, procedohet penalisht 16-vjeçari që posedonte lëndën narkotike.

Në zbatim të planit të masave për rritjen e parametrave të sigurisë, duke evidentuar dhe goditur veprimtaritë kriminale, bazuar edhe në informacionet e siguruara në rrugë informative, shërbimet e Forcës së Posaçme “Shqiponja” kanë organizuar dhe finalizuar operacionin e koduar “Blic”.

Gjatë operacionit, në lagjen “Liria”, shërbimet e Policisë lokalizuan dhe ndaluan automjetin me të cilin qarkullonin shtetasi M. K. dhe një 16-vjeçar. Gjatë kontrollit fizik, 16-vjeçarit iu gjet një sasi lënde e dyshuar narkotike kanabis, e cila u sekuestrua në cilësinë e provës materiale.

Në vijim të veprimeve, gjatë kontrollit në banesën e shtetasit M. K. u gjet 1 armë zjarri pistoletë me municion luftarak, e cila u sekuestrua në cilësinë e provës materiale.

Në përfundim të veprimeve procedurale, specialistët për Hetimin e Narkotikëve:

-arrestuan në flagrancë shtetasin M. K., 40 vjeç, banues në fshatin Barbullush, për veprën penale “Mbajtja pa leje dhe prodhimi i armëve, armëve shpërthyese dhe i municionit”;

-referuan materialet në Prokurori ku nisi procedimi penal për 16-vjeçarin, për veprën penale “Prodhimi dhe shitja e narkotikëve”./CNA